Wy Borghermesteren ende Raedt yn Groeninghen betughen mit desen openen breve Dat voer uns sint gekomen Johan Harssens voermundt
Wolter Dentinck, Johan van Gasteren ende Egbert Hetsingk voechden tot salige Johan Suijnghe ende Wemele syn huesfrouwe gewest
nagelaten onmundigen kynderen ende bekanden van wegen der selver kynderen woe Willem Schuerinck der voergen. kynderen
steeffader hem gantse vullenkomen scheydinge verwissinghen Rekenschap ende overleveringhe hebbe gedaen van alle ende
ydere szodane goederen Replick onreplick groet ende kleen van allen ghene uuthbesundert als gedachte Johan ende Wemele
ingelyken willens voergen. huesfrouwen gewest ienigerleye wyse up hoeren starffdach gehadt nagelaten ende op gemelte
kynderen verarvet moegen hebben Dancken daeromme Willemm voergen. goeder scheydinge vorwissingen Rekenschap ende
overleveringhe der goederen ende arffnisse voerscr. Daer up voermundt ende voechden up gemeldt inden name als
voer een derselver arffgenamen Schelden Willem Schurinck ende synen arffgenamen vrij ende quyd ten ewygen dagen
nummer bet meer actie ofte ansprake tdoen hebben noch beholden mit genen Rechten geestlick noch wartlick
umme ssodane goederen ende arffnisse als voerscr. is Sunder argelist Dat Oerkunde wy mit unsen Stadt
Secreet Ghegeven inden Jaer unses heren dusent vyffhundert ende Tsestich den soeven ende twintichsten dach May.

x

x

Archiv	Groninger Archieven
Bestand	Arch. Armhuiszittengasthuis
Zugangsnummer	1377
Inventarnr.	0892
Regestnr.	409
Jahr	1560
Datumcode	2705

x

x

x

Material	perkament