Wy Borghermesteren ende raedt in Groeningen betuegen myt
dessen openen breve dat voer uns is ghekomen Berent
van Swele ende bekande voer hem ende synen arffgenamen dat
he heft verkoft upghedragen ende overghegeven Harmen Claessen
syn steeffsoene Hille syn huesfrouwe ende hoeren arffgenamen ssodane
neghen arens gulden jaerlyker renten daer de breven
van spreeken daer dusse breeff durch ghetogen is vry ende
qwydt arfflyken tho manen ende tho boeren oeck tho gebruycken
ende besitten in allen formen ende maneren als deselve
breven daer van inholden ende uuthwyysen ende vry arfflyken
tho wharen voer ene summa gheldes de Berent vorscr.
bekande dat hem vull ende all is betaelt Sunder arghe
list dat Oerkunde wy myt unsen stadt Seghell Ghegeven
inden Jaeren unses heeren dussent vyffhundert achten
tzesstich den soeventhynden dach Octobris Doe Albart Roltheman
Joachim Ubbena Derck Schaffer ende Johan Clant
Borghermesteren weren unser stadt.

x

x

Archiv	Groninger Archieven
Bestand	Arch. Armhuiszittengasthuis
Zugangsnummer	1377
Inventarnr.	0762
Regestnr.	410
Jahr	1568
Datumcode	1710

x

x

x

Material	perkament