| Nummer:ahs416 | Datum:23 nov. 1569 | Überlieferung:Origineel | Fundstelle:Arch. Armhuiszittengasthuis, inv.nr. 0861, reg. 416 |
Wy Borghermesteren ende raet in Groeningen betuegen mit dessen openen breve dat voer uns sint ghekomen
de procuratoren inder tydt der arme huessitten binnen unsen Stadt ende bekanden voer hem ende hoeren nakomende
procuratoren dat se ( doch by unsse wethen, wille ende consent) hebben verkoft upgedragen ende overghegeven
Hinrick Berents voermundt mitten voechden tot saelighe Harmen Smalen nhagelaten onmundige kynderen tot behoeff
derselver kynderen ende oeren arffgenamen achteyn guede dhaler offte dickepennongen jaerlyker renten tot dartich
stuver brabahts offte payment datter guedt voer is elcken dhaler gherekent tho betalen jaerlix up
sunte Cathryna offto vry schadeloes ghelt myt botbreven ende allen anderen rechten inthomanen ende
tho boeren uuth ende over alle der armen vorscr. landen huessen kameren ende ander guederen replick ende onrep
lick nu reede hebbende ende noch thokomende ghene in alles uuthbesundert woe ende waer de gelegen moegen
wessen vry ende quydt arfflyken daer uuth tho leveren ende tho wharen voer ene summa gheldes
die de procuratoren upgemelt bekanden dat em tot behoeff der armen vergen. vult ende all is betaalt
Myt vorworden dat de procuratoren vergen. offte derselver nhakomelingen van wegen als voer dusse voerscr.
renten tot allen tyden moeghen (edder wanneer hem de afflosse een halff jaer tvoeren angesecht
ende verwittiget is soelen) weder aff vry ende qwydt kopen myt drehundert guede dhaler offte
dickepennongen voerghescreven paymentes ende mitter vuller renthen Sunder arghelist Dat Oerkhunde
wy myt unsen stalt Seghell Ghegeven inden jaeren unses heeren dussent vyffhundert neghenende tzesstich
den dreendetwintichsten dach novembris Doe Albert Roltheman, Joachim Ubbena, Derck
Schaffer ende Johan Clant Borghermesteren weren unser stadt.
de procuratoren inder tydt der arme huessitten binnen unsen Stadt ende bekanden voer hem ende hoeren nakomende
procuratoren dat se ( doch by unsse wethen, wille ende consent) hebben verkoft upgedragen ende overghegeven
Hinrick Berents voermundt mitten voechden tot saelighe Harmen Smalen nhagelaten onmundige kynderen tot behoeff
derselver kynderen ende oeren arffgenamen achteyn guede dhaler offte dickepennongen jaerlyker renten tot dartich
stuver brabahts offte payment datter guedt voer is elcken dhaler gherekent tho betalen jaerlix up
sunte Cathryna offto vry schadeloes ghelt myt botbreven ende allen anderen rechten inthomanen ende
tho boeren uuth ende over alle der armen vorscr. landen huessen kameren ende ander guederen replick ende onrep
lick nu reede hebbende ende noch thokomende ghene in alles uuthbesundert woe ende waer de gelegen moegen
wessen vry ende quydt arfflyken daer uuth tho leveren ende tho wharen voer ene summa gheldes
die de procuratoren upgemelt bekanden dat em tot behoeff der armen vergen. vult ende all is betaalt
Myt vorworden dat de procuratoren vergen. offte derselver nhakomelingen van wegen als voer dusse voerscr.
renten tot allen tyden moeghen (edder wanneer hem de afflosse een halff jaer tvoeren angesecht
ende verwittiget is soelen) weder aff vry ende qwydt kopen myt drehundert guede dhaler offte
dickepennongen voerghescreven paymentes ende mitter vuller renthen Sunder arghelist Dat Oerkhunde
wy myt unsen stalt Seghell Ghegeven inden jaeren unses heeren dussent vyffhundert neghenende tzesstich
den dreendetwintichsten dach novembris Doe Albert Roltheman, Joachim Ubbena, Derck
Schaffer ende Johan Clant Borghermesteren weren unser stadt.
x
| Archiv | Groninger Archieven |
|---|---|
| Bestand | Arch. Armhuiszittengasthuis |
| Zugangsnummer | 1377 |
| Inventarnr. | 0861 |
| Regestnr. | 416 |
| Register Feith | 1569.113 |
| Jahr | 1569 |
| Datumcode | 2311 |