Henricus, priester van Eelde gezegd to Weste, benoemt onder aftrek van enige legaten de abdij in Assen tot erfgenaam en broeder Johannes, grangiarius van de abdij, tot mede-executeur-testamentair. Met medebezegeling door de executeur-testamentair Henricus Ottonis Polleman.

C. In nomine Domini amen. Ego Henricus presbiter de Elede dictus to Weste considerans nichil esse certius morte et nichil incertius hora mortis volens
providere saluti anime mee disponendo de rebus et facultatibus meis michi a Deo collatis sanus mente et corpore cavendo et ordinando
testamentum meum pro salute anime mee et ut materia discordie subtrahatur post mortem meam inter amicos et cognatos meos protestor quod nullum
patrimonium nec aliquam possessionem jure hereditario consecutus sum a parentibus aut amicis meis et beneficium ecclesiasticum satis modicum
fuit quod habui ut omnibus constat sed que michi superesse potuerint in fine vite mee ex propria industria sum lucratus. Unde cupiens et volens
ordinare testamentum meum in primo do er lego pro anime salte mee fratribus minoribus in groningen unum scudatum; item, predicatoribus ibidem unum
scudatum; item, conventui in Sylowerth unum scudatum; item, conventui in Esse unum scudatum; item,
Aleydi cognate mee unam vaccam et unum scudatum; item, Hebele cognate mee unum scudatum et duos modios silignis; item, Sicconi Tappens
unum scudatum et duos silignis; item, Lamincke filie Sicconis unum scudatum et unum modium silignis; item, Grete ancille mee que michi
multo tempore fideliter servivit unam vaccam, quam ex vaccis meis elegerit et unum lectisternium cum pulvinari et duobus lintheaminibus et tantum
de siligne quod sibi sufficiat ad victum unius anni videlicet quinque modios et duo latera lardi porcini et unam ollam eneam quam elegerit;
item, domino Johanni curato nostro duo opera sermonum, unum de sanctis et aliud de tempore, que ipse jam habet apud se; reservata michi
in hiis omnibus suprascriptis libera potestate quamdiu vixero mutandi, addendi, minuendi prout michi placuerit et prout facultates mee
suppetunt et michi visum expedire fuit quandocumque. Praeterea cetera omnia ..... que ego habuero et michi sup.....rat in morte mea soluto
testamento meo et debitis meis cedent ad usus conventus monasterii in Assen prout in quibus litteris sigillatis sigillis bone memorie
domini Johannis Swanekens et domini Henrici curati quondam ecclesie in Elede et Bertoldi Abbringe et quorum aliorum sigillis
plenius continetur. Huius testamenti executores et manufideles meos eligo, ordino et constituo Henricum filium Ottonis Polle-
man laycum et fratrem Johannem grangarium nostrum in Assen ad hoc specialiter a suis superioribus licentiatum, ut ipsi fideliter testamentum
meum exequantur prout iam disposui vel disposuero si aliquid superius descriptum corrigere voluero minuere vel addere vel
mutare. Item, Henrico Polleman supradicto manufideli meo unam lagenam servisie do pro laboribus suis. In quorum omnium testimonium sigillum
meum una cum sigillo Henrici Polleman supradicti hiis presentibus est appensum. Datum anno domini MCCC sexagesimo crastino
Johannis Ewangeliste ante portam Latinam.

x

x

Archiv	Drents Archief
Bestand	Arch. Abdij Assen
Inventarnr.	8
Regestnr.	24
Jahr	1360
Datumcode	cJohaPL

x

x

x

Kommentar	De 2 zegels zijn verloren.

x

Material	perkament
Abmessung (mm)	185/60

x

Editionen	OGD, nr. 479

x