Johannes Wolters, priester in Groningen, erkent schuldig te zijn aan de abdij van Assen een pacht van 1 ton boter uit het erf Ten Hoerne c.a. bij Groningen; met bepaling dat het erf aan de abdij vervalt bij wanbetaling gedurende 5 jaren, tenzij wegens overmacht. Met medebezegeling door Gheert ter Maed, schulte van het gericht van Selwerd.

Ich Johannes Wolteri preester in Groningen bekenne in dessen openen breve voer mi ende voer myne rechten
erfghenamen dat ic schuldich byn erflijker pacht jaerlij-kes der Abdissen ende den convente van Assen van
sunte Beerndes orden in Drenthe des ghestichtes van U-trecht ene tunne botteren van den erve ende den guede
ten Hoerne bi Groningen vorscreven gheleghen dat ic ghe-coft ende ghepachtet hebbe teghens de vorscreven abdisse ende
convente to betalen elkes jaers bynnen Groningen vorscre-ven up der stad waghe in den vryen marckde [sic] onser
leven vrouwen nativitas. Ende waert sake dat ik off myne erfgenamen des nicht en deden also dat wy de beta-
linghe vorhelden viif jaer lang sunder underlaet boven des conventes vormaninghe vorscreven elkes jaers
so solde ic off myne erfgenamen vorvallen van allen rechte dat wy hadden an dat vorscreven erve ten waer sake
dattet to queme van kenlijken noetsaken tusschen den landen ende der stad van Groningen vorscreven van oerloghe
of anders deer ghelijker so solde ic unvorsumet wesen in den dat ic daer na de achterstallighe pachte
den vorscreven convente betaelde na beloep der tyt zunder arghelist. In orkunde der waerheit so heb ic myn
seghel an dessen breef ghehanghen. Ende um de merre vestnisse des breves heb ic ghebeden Gheerd ter
Maed schulten des gherichtes van Sellewert dessen breef mit mi to beseghelen. Ende ic Gheert vorscreven heb om
bede willen her Johans vorscreven myn seghel mede an dessen breef ghehanghen. Ghegheven int jaer ons heren
dusent vierhondert ende tweleve des naesten donredaghes na paeschen.

x

x

Archiv	Drents Archief
Bestand	Arch. Abdij Assen
Inventarnr.	100
Regestnr.	34
Jahr	1412
Datumcode	JpPasche

x

x

Kommentar	Met 2 geschonden zegels in groene was.

x

Material	perkament
Abmessung (mm)	260-265/110-130

x