Beernt Hubbeldinc, Johan Levinghe, Albert Husinghe, Coenraet Husinghe en Aernt, Wilm en Johan zijn kinderen, Coep Zidinghe, Frederic Zidinghe Albert Zidinghe, Lude ten Nyenhuus en Lambert Hovinghe vestigen voor buren van Bonevelde voor de abdij van Assen, in ruil voor de tienden over Wyllingheguet, een tiend van 5 1/2 Groninger mudden rogge over Zuauerdinghehofstede te Bonevelde; met bepaling dat zij nooit meerdere erven voor de betaling zullen verbinden. Met bezegeling door jonker Bertolt Clencke en Beernt Hubbeldinc.

Ic Beernt Hubbeldinc, Johan Levinghe, Albert Husinghe, Coenraet Husinghe, Aernt, Wilm, Johan myne echten kindere, Coep
Zidenghe, Frederic Zidinghe, Albert Zidinghe, Lude ten Nyenhuus ende Lambert Hovinghe maken kundich allen luden de dessen breef
zullen zien ofte horen lezen, dat wy ghelovet hebben den convente van Assen voer alzo daneghen teenden alzo se hadden over
Wyllinghe guet zestehalf mudde rogghen groningher mate. Ende wy Beernt, Johan, Albert, Coenraet, Aernt, Wylm, Johan, Coep
Frederic, Albert, Lude ende Lambert voerghescreven ende onse rechte erfgenamen zoelen desse voerscreven zestehalf stade mudde roggen jaerl..
betalen des sonendaches na zunte Mertijns mysse in den winter up Zuaverdinghe hofstede to Bonevelde ende weer dat zake dat wy
oft onse erfgenamen dat neet ende deden, zo mach dat convente van Assen ons oft onsen erfgenamen dat af manen als teendrecht is in den
lande van Drenthe. Voert meer zo sinder vorwerde, dat wy oft onse erfgenamen daer nummer meer erve voer legghen zolen. Ende hebben
den stoc gheleghet van dessen voerscreven zestenhalven mudde rogghen broder Rolove Parijs hofmester inder tijt, ende broder Johanne
den wittesschen coepmester inder tijt to Assen to behoef des conventes van Assen onder den buren van Bonevelde als lantrecht is
voer ons ende voer al onse nacomelingen sunder arghelijst. Hijr hebben an ende over ghewest an dessen dedinghen guede beschedenen
knapen als hijr na bescreven staet als Clawes Eppinge, Beernt Hubbeldinc, Roelf Husinghe ende anders gueder luden ghenoech.
Voert meer want wy Johan, Albert, Coenraet, Aernt, Wylm, Coep, Frederic, Albert, Lude ende Lambert voerscreven desse voerscreven
dedinc stade ende vast willen hebben ende zelve ghene zeghele en hebben, zo hebbe wy zamentlike ghebeden den Erberen jonkere
Bertolde Clenke ende Beernde Hubbeldinc voerscreven dat se dessen breef voer ons ende onse erfgenamen bezeghelen wyllen
want wy zelve ghene zeghele en bruken. Ende wy Bertolt voerscreven ende Beernt voerscreven want my desse coep voerscreven ende dedinc
mede anghaet, zo hebbe wy om bede wyllen desser voerscre-ven gueden knapen onsen zeghele an dessen brief ghehangen,
in een tuech der waerheyt. Ghegeven int jaer ons Heren dusent vierhundert ende neghenteyne des wondesdaches
na zunte Marcus dach des hilghen ewanghelisten.

x

x

Archiv	Drents Archief
Bestand	Arch. Abdij Assen
Inventarnr.	110
Regestnr.	38
Jahr	1419
Datumcode	EpMarci

x

x

Kommentar	Met 2 geschonden zegels in (bruine ?) was.

x

Material	perkament
Abmessung (mm)	265-275/160-165

x