Burgemeesteren en raad in Groningen verklaren, dat Lutgart Schultinge van Eelde, weduwe van Henric Schultinge, droeg over aan Egbert van Banlo een rente van 1 1/2 oude gouden keizersschild uit het stenen huis c.a. van Blideke Enens in de Boteringestraat Oz.

Wy Borgermeistere ende Raet in Groninge bekennen ende tughen mit dessen openen breve dat voir
ons is ghekomen Lucgart Schultinge van Eelde selige Henric Schultinges wijf ende bekande dat sie
heefft vercofft ende vri ende quijt upghedraghen voir oer ende voir ore erffgenamen Egbert van Banlo
ende sinen erffgenamen enen olden keysers schilt renthe ende enen halven olden gulden keysers schilt
renthe off payment dat daer guet voer is in Groningen mit allen rechte ende egendome
erffliken ende eweliken to bruken ende toe besitten ende jairlix to boren als een stad recht is
uut Blideke Enens steenhuse ende hofstede voir ene summe geldes de Lutgart voirscreven bekande
dat oer vul ende all betaelt is. Dit voirscreven steenhues ende hofstede sijn ghelegen ande oester
side van Boteringe strate dair Peter Knokenhouwer zoens hues ende erve naest by ghe-
legen sijn up de noirder sijt. Dit oirkunden wij mit onsen stad zegele. Ghegeven inden jair
onss heren dusent vierhundert vijfendetwyntich des sonnendaghes to Palmen do Reynolt Hu-
gingh, Bruen Klinge, Henric ter Bruggen ende Ditmer Ren-gers Borgermestere weren onser stad.

x

x

Archiv	Drents Archief
Bestand	Arch. Abdij Assen
Inventarnr.	54
Regestnr.	39
Jahr	1425
Datumcode	Palmar

x

x

Kommentar	Met geschonden stadszegel en contrazegel in groene was.

x

Material	perkament
Abmessung (mm)	245/90

x