De abdij van Assen verkoopt aan de zussen Lyze en Eze van Tricht, nonnen in de abdij, een rente van 3 Groninger mudden rogge uit haar windmolen te Beilen; met toekenning van het recht de rogge te nemen uit de schuur (spijker) of elders, in het geval dat de mole voers. woeste stunde oft nyet en were.

Wy Gheze Hubbeldinghe abdisse des cloesters van Assen bekennen ende betughen in dessen openen breve voer ons ende
onse nacomelinghe dat wy myt vrien wyllen ende gueden berade onses ghemeens oldermans onses cloesters voerscre-ven
hebben vercoft Joncfer Lyzen ende Ezen van Tricht ghesus-teren onse ghehoersame jonferen dre mudde rogghen
Groningher mate, jaerlix to brukene van der windemolen to Beylen de nu ter tijt onse is voer ene summe
gheldes de ons wytlike ende wal betaelt is. Ende desse voerscreven mudde rogghen zal dat convente dessen joncfe-ren voerscreven
leveren up den hoff bynnen onsen cloester voerscreven buten oren schaden up al sulke daghe ende termijn als /men\ stede
mudde plecht to betalen in Drenthe. Ende weersake dat de mole voerscreven woeste stunde oft nyet en were zo zoelen
desse tve jonferen voer ghenoemt desse mudde voerscreven boren van den spyker oft eenre ander weghen daer hem
ghenoghet to leghene up al sulke daghe ende termijn als voerscreven /is\. Voer/t\meer welckoer van dessen tween voerscreven
jonferen langhest levet de zal de mudde alle dre bruken tot oren live daer na zolen se weder comen up dat
cloester voerscreven. Al arghelijst, nyevonde, rasure des breves, quessinghe des seghels uutghesproken. Hyr waren an
ende over her Enghelbert onse prior, jonfer Hille Campinghe priorinne, Grete van Wylsem subpriorissa, Grete van Avinghe
bursaria, broder Wilm hofmester ende broder Dirck coepmester in deer tyt ende onsen ghemene older mans
onses cloesters voerscreven. In een tuech der waerheyt zo heb wy vrou Gheze abdisse voerscreven voer ons ende onse
nacomelinghe onsen seghel beneden an dessen breeff ghehanghen. Ghegeven int jaer ons heren dusent
vierhundert ende neghenentvintich up sunte Johannis ende Pauls /dach\ der hilgher marteleren.

x

x

Archiv	Drents Archief
Bestand	Arch. Abdij Assen
Inventarnr.	115
Regestnr.	40
Jahr	1429
Datumcode	JohPau

x

x

Kommentar	Met geschonden ambtszegel der abdis in groene was.

x

Material	perkament
Abmessung (mm)	235/150-160

x