Johannes Custers verklaart te vermaken aan zijne 'maghet' (bijzit) Berte en zijn kinderen al zijn goederen, mits zij zijn testament en zijn schulden betalen en een jaargetijde voor hem vieren; met bepaling dat bij vertrek van Berte tijdens zijn leven zij haar loon zal ontvangen maar geen recht op zijn nalatenschap zal kunnen doen gelden. Met medebezegeling door Johan Hulsbusch.

Ic Johannes Custers bekenne ende tughe in desen oepenen breve dat ic myt mynen vryen moet willen witlick mynre synne ghesunt mynes
lives hebbe ghegheven ende gheve na mynre doet Berten mynre maghet ende mynen kynderen al myn gued dat ic achter late waer
ic dat hebbe van reesschape, van ghelden, van clenode tszij rorende ofte onrorende waert gheleghen ys. Myt vorwarden dat
Berte vorscreven ende myne kyndere zolen myn testament ende myn schuld daer af betalen ende jaerlikes mynre zelen daer af to dencken
Ende wert sake dat Berte vorscreven van my wolde varen bij mynen lyve, zoe zolde ic oer oer loen gheven ende wes ic oer schuldich
were ende daer na en solde ze nicht spreken meer op myn guet na mynre doet. Ende op dat Berten vorscreven ende myne kynderen dese
vorscreven punte stede ende vast gheholden woerde sunder weder zeggen mynre erfgenamen of mynre testamentoer, soe hebbe ic Johannes vorscreven ghe-
beden her Johanne Hulsbusch omme meerre vestenysse willen myt my desen breef to beseghelenne. Ende ic her Johan vorscreven bekenne
des dat ic myn seghel mede an desen breef hebbe ghehanghen omme bede willen Johannes vorscreven. Hiir weren an ende over Clawes
Conynge ende Frederic Willynge ende anders gueder lude ghenoech. Ghegheven int jaer ons heren dusent veerhundert een ende
dertich des achtijnden daghes inder maent van Augustus.

x

x

Archiv	Drents Archief
Bestand	Arch. Abdij Assen
Inventarnr.	85
Regestnr.	43
Jahr	1431
Datumcode	1808

x

x

Kommentar	De 2 zegels zijn verloren.

x

Material	perkament

x