Johan van Steenwick, "oldeste brueder", draagt voor buren te Grolloo en te Schoonloo over aan de abdij te Assen de helft van zijn grove en smalle tienden in de marke van Grolloo en de buurschap van Schoonloo "voer een Borkelsch leengued" en erkent, dat hij de andere helft van die tienden "den voers. convent ... holden sullen te ewigen daghen in gheliker leenscher weer.". Met medebezegeling door Johans broers Albert en Iohan van Steenwick.

Ic Johan van Steenwick oldeste brueder bekenne in desen apenen breve dat ic vercoft hebbe voer my ende myne erfgenamen vrou Wibben Hubbelding abdisse to
Assen ende den ghemenen convente den alinghen halven tenden grof ende smal als de ghelegen is in der marck van Grolle ende in der buerscap van Scoenloe voer
een Borkelsch leengued ende sal em dat holden ende waren in leenscher weer ic ende myne erfgenamen to ewighen daghen als men alsulck gued myt rechte schul-
dich is te doen voer anderhalfhondert rynsche gulden ende tyne als in deser tyd ghenghe ende gheve sind die my witlike ende wal betael syn die eerste
pennig myt den lesten Ende weert sake dat ic oft myn erfgenamen dit voerscreven gued em so niet in leenscher weer en helden of enigher wijs niet vrij helden mer
waerden dat sie daer last om leden of kost oft scade om deden dat moghen se verhalen of uutwynnen mit wat recht se willen to allen tyden uut al myn
ende myner erfghenamen guede sonder enich mijns of myner erfgenamen wederseggen. Ende van desen voerscreven guede hebbe ic vertichnisse ende oplatinghe ghedaen
den stock gheleghet der eerbeerre abdissen ende den con-vent voerscreven als lantrecht ende ghewoente is in den lande van Drenthe sonder arghelist daer by weren alse buer
Tyde Popping, Reyner Scoyer ende Wessel Aelkinck die ghewaert syn to Grolle ende to Scoenlo. Des ghelikes bekenne ic Johan voerscreven voer my ende voer myne
erfgenamen dat ic ende myne erfgenamen den voerscreven convent die ander helft des alinghen tenden als hie gheleghen is inder voerscreven marck holden sullen te ewigen daghen
in gheliker leenscher weer als van der ander helft des tenden vorscreven is sonder arghelist. Hier weren aver ende an als dedings lude Johan van Steenwick
myn iongher brueder ende Henric Buting ende meer gueder lude ghenoech. In een tuuch der waerheit so heb ic Johan oldeste brueder voerscreven myn
seghel an desen breef ghehangen. Ende um meerre vestenisse so hebbe ic ghebeden Albert ende Iohan van Steenwick myne brueders desen breef myt
my te beseghelen. Ende wy Albert ende Iohan voerscreven um bede willen onses brueders hebben onse seghele an desen breef ghehanghen. Ghegheven int iaer
ons heren dusent vierhondert een ende viertich up sancte Elizabeth dach.

x

x

Archiv	Drents Archief
Bestand	Arch. Abdij Assen
Inventarnr.	8
Regestnr.	47
Jahr	1441
Datumcode	Elisab

x

x

Kommentar	Met geschonden zegel van A. r. S. in (bruine-gele was?); de 2 andere zegels zijn verloren.

x

Material	perkament
Abmessung (mm)	265-280/140-150

x