Hauptseite

Nummer:ass058

Datum:13 april 1450

Überlieferung:Origineel

Fundstelle:Arch. Abdij Assen, inv.nr. 84, reg. 58

Regest

Jacop Ebedinge en Jeye, echtelieden, dragen voor buren van Schoonloo over aan de abdij van Assen 2 stukken land te Schoonloo in de marke van Grolloo in het kerspel van Rolde: de Grote Akker up den Langhen Busche en de Veneakker up den Zudessche. Met bezegeling door Godert van der Horst.

Ick Jacop Ebedingen ende Jeye myn echte wiif bekenne ende betughe vor my ende vor myne rechte erfghename vor al de ghene de
dessen breef zolen seen ofte horen lesen dat ic hebbe verkoft ende verkope met mynen vryen moet willen ende met gueden
berade twe stucke landes gheleghen to Scholo inder marke van Gronle onder den clocken van Rolde de ene akker up
den kampe gheheten de Grote Akker up den Langhen Busche ende de ander akker heten de Vene akker up den zud essche den
ghemenen conventes luden van Assen vor ene summe gheldes de my witlike ende wal betaelt is daer ik Jacop vorscreven den stock
van gheleghet hebbe vor my ende vor miin erfghename broder Henrike inder tiit hofmeyster des convents vorscreven tottes
convents behoef vorscreven inder marke van Gronle to Scholo dar over ende an weren also bur Tyde Poppinge ende Reyneken van Scholo
ende anders vele gueder lude ghenoech. Ende ik Jacop vorscreven sal dyt vorscreven lant waren vri commerloes van allen handen de dar up to
spreken hebben, so dicke ende so vake also des den convente noet is sunder enegher hande weder segghen ende al arghelist ut
ghesproken ende alle nye vunde, quessinge des breves, quessinghe des seghels dat men desen breve to hinder ofte to schaden
dichten mach. Ende ick Jacop vorscreven hebbe ghebeden Goderde vander Horst dessen breef vor my to beseghelen van ghebreck
des myns. Ende ick Godert vorscreven um bede willen Jacops so hebbe ick myn seghel an dessen breef ghehanghen. Ghegeven
int jair ons heren dusent veer hundert ende viiftich des manen daghes na passche achten dach.

Recto:

«‹›»