Burgemeesters en raad in Groninghen verklaren, dat Gheze Hubbeldinge en de voogden over haar zoon Roloff bij wijlen haar man Henrick een boedelscheiding hebben aangegaan; waarbij worden toebedeeld aan Gheze: 8 grazen in Tammyngeland mandeelig in een venne van 28 grazen, een rente van 12 gulden uit het huis van Clawes Koelken te Baflo en alle goederen die zij en haar man bezaten in het land van Drenthe.

Wy borgermestere ende Raed in Groninghen betugen myt dessen openen breve dat voer ons synt gekomen Gheze Hub-beldinges an
die ene zyd, Wylhelmus Hiddinge voermund ende Johan Pot-ter, Henric van Eelde, Clawes ter Brugge ende Alert Clant voghede
tot Roloff salige Henricks ende Ghezens vorscreven kinde an die ander zyd samentlike bekennende dat sie lieffliken ende vrentliken
myt malkanderen hebben geschieden oere guede in dusdane manieren hiir na bescreven: Int eerste sall Roloff voer-screven hebben
ende beholden ewliken ende erffliken alle die leen guede buten Covorde als die ghelegen syn myt alle oeren tobehoeren. Item,
dat huus gelegen in Botteringe strate up die oester zyd myt den twen stenen kameren daer achter ghelegen myt den halven
gange ende myt synen tobehoeren daer Wessell Backers huus by leget up die zuud zyde ende Johan Egberts up die noerd zyde.
Item, dat land up den Wolt grafft als dat Evert Zanders ende Styne plegen to bruken daer Johan Potter byghelandet is
up die wester zyd ende die Hylghe Gheest up die oester zijd. Item, noch vier graze landes die ghelegen syn up Antinghe
maer daer Ludeken Evert Wygboldessoen by gelandet is up die wester zyd ende dat halve land to Kolham myt den holte
dat onverschieden is myt Wylhelmus Hiddinge myt synen tobehoeren vry ende quyt als dat gelegen is inden kerspell to
Kolham daer Johannes Clockghieter by leget up die noord zyd ende dat cloester van Essen up die oester zyde. Hiir en tegens
sall Gheze hebben ende beholden ewliken ende erffliken achte graze landes in Tammynge land die onverschieden liggen in eenre
vennen van achtendetwintich grase daer die gheestlike maghede byliggen up die zuud zyd. Item, twaleff guldene des jaers
over Clawes Koelkens huus ende guet to Baffloe na uutwysinge eens breves den Gheze daer up hevet. Ende voert soe sall
Gheze hebben alle die guede die salige Henric Hubbeldinge ende Gheze hadden up datum dessbreves inden lande van Drenthe
myt schade ende myt baete als die nu ter tijt gelegen syn sunder argelist. Dat orkonden wy myt onsen stad zegell. Ghegeven
inden jaer ons heren dusent vierhundert drie ende vijfftich des vridages na reminiscere doe Folkeer Marissinge, Henrick Ba-
roldes, Otto Clant ende Gosen van Dulck Borgermestere waeren onser stad.

x

x

Archiv	Drents Archief
Bestand	Arch. Abdij Assen
Inventarnr.	38
Regestnr.	60
Jahr	1453
Datumcode	VpRemini

x

x

Kommentar	Met geschonden stadszegel en contrazegel in groene was.

x

Material	perkament
Abmessung (mm)	270/150

x