Albert Piggen en Johan Pigge, zijn neef, dragen voor buren van Borck over aan de abdij te Assen een rente van 5 Groninger mudden rogge uit Meyeringegued in het kerspel van Westerbork en de marke te Elp; in lijftocht bezeten door Ghese Piggen, Alberts zus en non in de abdij, na haar dood aan Albert en Johan terug te keren.

Ick Albert Piggen ende Johan Pigge myn neve bekennen ende betughen in dessen openen breve
voer ons ende voer onse rechte erffgenamen dat wy hebben verkofft ende verkopen ewelike ende
erfflike Joncfrouwen Wybben Hubbeldinge inder tijt abdysse des cloesters van Assen ende den ghe-
menen cloesters luden voerscreven jaerlix vijff mudde roggen Groninger mate over alinge Meyeringe
gued als dat gheleghen is inden kerspel van Borck ende inder merke to Elp voer ene summe gheldes
de ons vul ende wal betaelt is ende welke vijff mudde vorscreven Ghese Piggen Alberts suster voerscreven
ende moye to Johanne vo/e\rscreven nonne des des [sic] coesters [sic] van Assen vo/e\rscreven nu ter tijt bruket voer hoer
lijfftucht ende na hoere doet ons ende onsen rechten erffgenamen weder an komen zolden. Ende wy Albert
ende Johan voerscreven hebben desse vorscreven vijff mudde quijt ghesculden ende den stock daer aff gheleghet als
lanthrecht is broder Lubberde inder tijt coepmeyster des cloesters vo/e\rscreven tottes convents be-
hoeff voer den buren van Borck ende daer van verteghen alles rechtes ende eyghendoems als wy daer
an hebben off in tokomenen tyden an krighen moghen. Ende daer mede overghegheven desse vorscreven vijff
mudde der abdyssen ende hoeren convents luden voerscreven dat zie de moghen opboren ende in manen na der
doet Ghesen vo/e\rscreven op daghe ende termiin als men ander stede mudde inden lande van Drenthe pleget
in to wynnen sonder weder zeggen onser off onser rechter erffgenamen. Al arghelijst ende wes men dessen
vorwerden ende punten to hinderen vinden off (fey) seren mach hijr inne uutghezecht. Hijr weren an ende over
de Erberen heren here Herman ter Maet ende here Beernt ter Maet inder tijt deken van Drenthe als dedinges
lude, Roleff Nisinge sculte to Borck ende Reyner Woerdinge to Elp, Albert Nyen Ralvinge, Johannes Alberts
zoen als buur ende anders gueder lude ghenoech. In een tuech der waerheyt zo hebbe wy Johan ende
Albert voerscreven onse zegele beneden an dessen breeff ghehanghen. Ghegheven int jaer onss heren dusent
veerhondert dre ende vijfftich des anderen dinxdages na santgangen.

x

x

Archiv	Drents Archief
Bestand	Arch. Abdij Assen
Inventarnr.	111
Regestnr.	62
Jahr	1453
Datumcode	2MpSantga

x

x

Kommentar	De 2 zegels zijn verloren.

x

Material	perkament
Abmessung (mm)	215/130-135

x