Burgemeesters en raad in Groningen verklaren, dat Gheze Hubbeldinge draagt over voor haar provene aan de abdij te Assen al haar goederen, die zij heeft of verwerven zal.

Wy borgermestere ende Raed in Groningen betugen myt dessen openen breve dat voer ons is gekomen Gheze
Hubbeldinge ende bekande voer oer ende oere erffgenamen dat sie hevet upgedragen ende overgegeven Joncfrow
Wibben Hubbeldinge inder tyt Abdissen to Assen ende den gemenen convente alle sodane guede repplijck
ende onrepplijck wo offte waer an die gelegen sint bynnen Groningen offte buten Groningen also oer
angestorven ende angheervet sint ende also oer in tokomen-den tijden ansterven ende ankomen mogen
vry ende quyt ewliken ende erffliken to bruken ende to besitten ende oeren vryen willen daer mede to done
voer oere provene ende noetdrufft die sie hevet inden vorscreven convente ende oer leventlang hebben
.... .eholden sall sunder alle argelist. Dat orkonde wy myt onsen stad zegell. Ghegeven inden jaer
..... heren dusent vierhundert vierendevyfftich des dinx-dages voer sunte Mycheels dach doe Henrick
........., Gosen vanden Grave, Clawes van Banlo ende Evert Hubbeldinge borgermestere waeren onser stad.

x

x

Archiv	Drents Archief
Bestand	Arch. Abdij Assen
Inventarnr.	38
Regestnr.	64
Jahr	1454
Datumcode	MaMichae

x

x

Kommentar	Het stadszegel is verloren.

x

Material	perkament

x