Roleff ter Aert, zijn dochter Grete en zijn dochterszoon Johan Fyen dragen voor buren van Zeyen over aan de abdij van Assen hun goed ter Aert c. a. in de buurschap van Zeyen in het kerspel van Vrees, door hen blijkens de transfix (ass044) gekocht van Peter ten Velde, commandeur te Bunne. Met bezegeling door Johan Campynge.

Ick Roloff ter Aert, Grete miin echte dochter, Johan Fyen mynre echter dochters soene bekennen ende betughen in dessen openen beseghelden breve
voer ons ende voer onse rechte erffghename dat wy myt vryen wyllen ghesundes lyves ende gueden berade hebben verkofft ende verkopen overghe-
gheven ende op ghedraghen ewelycke ende erfflyke ende ummer meer Joncfrouwen Golden Stellynge abdyssen des cloesters van Assen ende horen
cloesters lude onse guede, huus, hoff ende erve land ende sand to holte ende to velde myt al synen to behoer soe dat gheleghen is ter Aert in der
buurschap van Zeyen ende onder den clocken van Vrees in allen maneren ende vorwerden als wy dat in voer tyden hebben ghebruket ende ghe-
kofft van heer Peter ten Velde doe ter tiit commenduer to Bunne na inholt des breeffs daer desse breeff doer gheto-gen is voer ene
summe gheldes de ons vul ende al betaelt is. Ende hiir entendens hebbe wy hir van vertoghen alles rechtes ende eyghendoems ende der abdyssen
ende horen convents luden dyt voerscreven erve ende gued overghegeven quiit ghescholden ende quiit schelden to besitten ende to ghebruken daer van
den eygendoem tot ewyghen daghen sonder wederseggen onser off onser rechter erffgenamen ende den stock hiir van gheleget broder Otten
inder tiit coepmeyster des cloesters voerscreven tottes cloesters behoeff voerscreven voer den buren van Zeyen als lantrecht is in Drenthe
Ende wy Roloff, Johan ende Grete voerscreven off onse rechte erffgenamen voerscreven sullen den convente voerscreven hiir aff rechte waerschap doen tot allen
tyden voer alle de ghene de des to rechte komen wyllen to lantrechte ..... des noed is. Al arghelist ende wes men dessen
vorwerden ende coep voerscreven to hynder vynden mach in uutghesecht. Hiir ..... an ende over dat stock legghen Ludeken Bavynge
ende Ludeken Levynge buur to Zeyen voerscreven Ludeken Bavinge, Ludeken Levynge voerscreven ende Wyffe Lantinge als dedynges lude
ende anders guder lude ghenoech. In oerkunde der waerheyt so hebben wy Roloff, Johan ende Grete voerscreven ghebeden Johanne Cam-
pynge dessen breeff voer ons to besegelen. Ende ick Johan voerscreven omme bede Willen Roloffs, Johans ende Greten voerscreven hebbe
mynen zegel beneden an dessen breeff ghehangen. Ghegheven int jaer ons heren dusent vierhondert ende negen ende viifftich
des wondesdaghes na Santgangen.

x

x

Archiv	Drents Archief
Bestand	Arch. Abdij Assen
Inventarnr.	105
Regestnr.	70
Jahr	1459
Datumcode	EpSantga

x

x

x

Kommentar	Het zegel is verloren.

x

Material	perkament
Abmessung (mm)	250/125

x