Frederick Wyllrekynge en Lamme, echtelieden, dragen voor buren van Anreep over aan Wyllem Byzuden, provenier van de abdij Assen, 1/2 waar "to holte ende to velde" in de buurschap van Anreep in het kerspel van Rolde. Met bezegeling door Johan Hyddinge te Rolde.

Ick Frederick Wyllrekynge ende Lamme myn echte wyf beken-nen ende betughen in dessen openen breve voer ons ende voer onse rechte
erffgenamen dat wy myt vryen wyllen ende goder berade hebben verkofft ende verkopen ewelike ende erfflyke Wylle-me Byzuden provener
des cloesters van Assen ende synen rechten erffgenamen ene halve ware to holte ende te velde vry ende kummerloes van aller heren pacht als
de ghelegen is in der buurschap van Anrepe ende in den karspel van Rolde voer ene summe geldes de ons wyttelyke ende wal betaelt
is ende ..... hebbe ick Frederick voerscreven Wylme voer-screven den stock van gheleget voer den buren van Anrepe als lantrecht
is ende hiir mede Wylme voerscreven desse halve waer voerscreven overghegheven quijt gheschulden ende quijt schel-den tot ewyghen daghen
ende daer van verteghen alles rechtes ende eghendoems als wy Frederick ende Lamme voerscreven daer inne hadden alzo dat Wyllem off
syne rechte erffgenamen desse halve ware voerscreven mach bruken ende besytten ende doen siin beste daer mede sunder weder zegghen
onss off onser rechter erffgenamen. Al arghelyst ende nye vunde ende wes men dessen breve to hynder mach dychten off feyzeren
hiir inne uut ghesecht. Hiir weren an ende over Johan Wylrekyngen ende broder Frederick Waelke een ghehoersam broder des
closters voerscreven als dedynghes lude Roloff Suren, Johan Schenen ende Roloff Harders over dat stock legghen als buur to Anre-
pe voerscreven. In een tuech der waerheyt so hebbe wy Frederick ende Lamme voerscreven ghebeden Johan Hyddingen to Rolde dessen breeff
voer ons to bezeghene want wy selven gheens zeghels en bruken ende ick Johan voerscreven omme bede wylle Frede-ricks ende Lammen
voerscreven hebben mynen zeghel beneden an dessen breeff ghehanghen. Ghegheven int jaer onss heren dusent veerhon-dert
ende sestich des saterdaghes na der hyllygheb dree conyn-ghen dach.

x

x

Archiv	Drents Archief
Bestand	Arch. Abdij Assen
Inventarnr.	52
Regestnr.	71
Jahr	1460
Datumcode	SpEpipha

x

x

Kommentar	Met zegel in (bruine ?) was.

x

Material	perkament
Abmessung (mm)	220/110

x