Burgemeesters en raad in Groningen verklaren, dat Drewes Campinge draagt over aan de abdij te Assen een losrente van 6 guldens uit het huis en de hofstede in de oostzijde van de Herestraat, door hem gekocht van Rolof Tymmerman en zijn zoon Heyne.

Wy borgermestere ende Raed in Groningen betugen myt dessen openen breve dat voer ons is gekomen Drewes Campinge
ende bekande voer em ende sin.. erffgenamen dat hie hevet verkofft, upgedragen ende overgegeven der ersamen Golde
Stellinges abdisse ende convente to Assen ende oeren nakomelingen tot behoeff des conventes ses gulden rente vyff
onser stad jaghers voer datum dessbreves gemuntet offte payment dat daer guet voer is voer elken gulden ge-
rekent, ewliken ende erffliken, jaerlix te boren alse stadrecht is uut den huuse ende hofstede myt alle sinen
tobehoren dat Drewes vorscreven van Rolove tymmerman ende Heynen sinen zonen gekofft hevet gelegen ande oester zyde
in Heerstrate daer Ludeken Helpricks huus naest by leget ande zuuder zyde ende Roloff de Duesschers
woninge ande norder zyde vry ende quyt voer ene summe geldes de Drewes vorgenoemd bekande dat em vull
ende all is betaelt. Myt vorwerden offte dat vorgenoemde convent desse vorscreven rente jaerlix uut den vorscreven huuse niet
boren noch manen en konden, so sullen ende mogen sie de mede manen ende boren uut alle Drewezes voerscreven
guede, waer de gelegen sint. Hiir is togesproken dat Drewes vorscreven offte sine erffgenamen desse vorscreven ses gulden
rente mogen ende sullen aff, vry ende quyt kopen tendes soven jaeren to Paesschen na datum dessbreves naest-
komende ende niet eer myt hundert guldene vorscreven pay-ments sonder argelist. Dat orkonde wy myt onsen
stad zegell. Ghegeven inden jaer ons heren dusent vierhun-dert ende tsestich des dinxdages na sunte Poncien, doe
Henrick Baroldes, Otto ter Hanzow, Gosen van Dulck ende Johan Rengers vanden Poste borgermestere waeren onser stad.

x

x

Archiv	Drents Archief
Bestand	Arch. Abdij Assen
Inventarnr.	64
Regestnr.	72
Jahr	1460
Datumcode	MpPontia

x

x

Kommentar	Het stadszegel is verloren.

x

Material	perkament
Abmessung (mm)	255/140

x