Henricus Pollynck, Johannes Pigge, Johannes Alberti en Bertold Perney, "hantghetrouwen" van wijlen Johan Hovinge, pastoor van Sleen, geven aan de abdij te Assen "voir een testament" een rente van 1 stede Groninger mud rogge uit het goed van Johan Barrynghe in de marke en buurschap te Zeyen, opdat de kloosterlingen de ziel van heer Johan eeuwig zullen gedenken.

Wij Henricus Pollynck, Johannes Pigge, Johannes Alberti ende Bertold Perney hant-
ghetrouwen zaligen heren Johans Hovynghe, cureit was Sleen, doen kund ende open-
baer allen luden dat wij hebben ghegeven ende gheven myt dessen yegenwordi-
gen besegelden breve voir een testament den ghemenen conventspersonen
dess cloesters toe Assen een stede mudde rogge Groninger mate over ende
uut alle Johans Barrynghe gued woe ende oeck waer dat 't ghelegen is in
der marke ende buersschapp toe Zeyyen jairlix dair uut den voirscreven goede toe
manen, gheliker wijs als her Johan zaliger ghedachte dair over hadde ende
dar uut toe boeren plach. Alsoe dat die selven coventspersonen dess cloesters
voirscreven tot ewyghen daghen heren Johans voirscreven zijnre liever zielen sullen
ghedencken den Heren dairvoir toe bydden. In orkonde der waerheit als voirscreven
is, soe hebben wij Johannes, Johannes ende Bertold voirscreven onse segele beneden aen
dessen breeff ghehangen, dair mij Henricus voirscreven mede aen belevet om ghebreck
mijns segels. Ghegeven ind jair onss Heren dusent veerhundert ende sestich, opp
sunte Cecilien dach der heiliger joncfrou.

x

x

Archiv	Drents Archief
Bestand	Arch. Abdij Assen
Inventarnr.	10
Regestnr.	77
Jahr	1460
Datumcode	Cecili

x

x

Kommentar	Met 3 geschonden zegels in groene was.

x

Material	perkament
Abmessung (mm)	175/80

x