Reyner Boekens te Peyse draagt voor buren van Zeyen over aan de abdij van Assen 2 tiendmudden rogge en 2 tiendmudden molt uit Westebryngegued in de buurschap van Zeyen in de parochie Vries. Met bezegeling door Johan Ebbinge.

Ick Regnier Boekens to Peyse bekenne ende betughe in dessen openen breve voer my ende voer myne rechte erffge-namen
dat ick myt vryen wyllen ende gueden berade hebbe verkofft ende verkope ewelike ende erfflike joncfrou Golden Stellinx
abdyssen ende den gemenen convents luden des cloesters van Assen ende horen nakomelinge twe tent mudde
roggen ende twe tent mudde moltes jaerliker rente over Westebrynge gued to Seyen als dat ghelegen is inder buur-
schap van Seyen voerscreven ende onder den clocken van Vrees voer ene summe gheldes de my wittelick ende wal betaelt is.
Ende hiir entendes heb ick Reyner voerscreven broder Egberte coepmeyster des cloesters voerscreven in der tiid den
stock van gheleget tot des cloesters behoeff voerscreven voer den buren van Seyen als lantrecht is ende hiir
mede der abdyssen ende horen convents luden voerscreven desse voerscreven tent mudde over ghegheven quijt ghe-
schulden ende quijt schelden to besitten ende to ghebruken tot ewighen daghen also dat jick noch myne erffgenamen
to gheenre tijt daer op meer hebben to spreken. Ende ick Reyner voerscreven off myne rechte erffgenamen voerscreven
sullen der abdyssen ende horen cloesters luden voerscreven hiir van rechte waerschap doen tot allen tiden
voer alle de gene de des to rechte komen willen to lant-rechte woe vake hem des noet is. Al arghe-
lijst uutghesproken. Hiir weren an ende over Otto ter Hanzowe ende Tideman Avingen als dedinges-
lude Otto voerscreven ende Johan Campinge, Johan Ykinge ende Tide Levingen over dat stock leggen als
buur to Seyen voerscreven ende anders gueder lude ghenoech. In oerkonde der waerheyt so heb ick
Reyner voerscreven ghebeden Johan Ebbinge dessen breeff voer my ende voer myne rechte erffgenamen to
bezegelen want ick selven gheens zeghels en bruke ende ick Johan voerscreven omme bede wille Reyners
voerscreven hebbe mynen zeghel beneden an dessen breeff ghehangen. Gegheven int jaer ons heren
dusent vierhondert ende ene ende sestich op sunte Philip-pus ende Jacobus dach der hillighen aposto-
len.

x

x

Archiv	Drents Archief
Bestand	Arch. Abdij Assen
Inventarnr.	106
Regestnr.	79
Jahr	1461
Datumcode	PhiJac

x

x

Kommentar	Het zegel is verloren.

x

Material	perkament
Abmessung (mm)	190/110-120

x