De broers Johan Nusekens en Johan van Vrees en Hanneken "onser twyer broder wijff" dragen voor buren van Peyse over aan de abdij van Assen hun hooiland in de marke van Peyse. Met bezegeling door Wilhelmus Hiddynge.

Wy Johan Nusekens, Johan van Vrees ghebroders ende Hanneken onser twyer broder wyff bekennen ende
tughen in dessen openen breve voer ons ende onse rechte erffgenamen dat wy myt vryen wyllen hebben
verkofft ende verkopen ewelike ende erfflike alzulck hoeylant als wy hebben inder marcke van Peyse
der erber vrouwen Golde Stellyngen abdyssen des Cloesters van Assen ende oren covents lude [sic] woe ende
waer dat ghelegen is inder marcke van Peyse voer ene summe ghelds de ons vul ende al betaelt is.
Ende des hebbe wy Johan Nusekens, Johan van Vrees ghebroders ende Hanneken voerscreven broder Egberte inder
tijt coepmeyster des cloesters voerscreven den stock daer van ghelecht als lanthrecht is in Drenthe voer den
buren van Peyse. Ende desses voerscreven copes sulle wy Johan ende Johan ende Hanneken voerscreven der abdyssen
ende horen covents lude voerscreven rechte waerschap doen voer alle de ghene de des to rechte komen wyllen
offt moghen woe vake ende des noet is. Al arghelyst uutghesproken. Hyr weren an ende over dat stock
leggen jonghe Johan Ebbyngen, Reyner Boekens ende Johan Hiddyngen als buur to Peyse voerscreven ende anders
gueder lude ghenoech. In oerkonde der waerheyt so hebbe wy Johan ende Johan ende Hanneken voerscreven
ghebeden Wilhelmum Hiddyngen dessen breeff voer ons ende onse erffgenamen to bezeghelen want wy gheens
zeghels en bruken. Ende ick Wylhelmus voerscreven umme bede wylle Johans ende Johans ende Hannekens voerscreven
hebbe mynen zeghel beneden an dessen breeff gehangen. Ghegeven int jaer ons heren dusent
vierhondert ende ses ende tsestich up sunte Agneten dach der hilliger Joncfrouwen.

x

x

Archiv	Drents Archief
Bestand	Arch. Abdij Assen
Inventarnr.	75
Regestnr.	83
Jahr	1466
Datumcode	Agneti

x

x

Kommentar	Met zegel in groene was.

x

Material	perkament
Abmessung (mm)	215/110-115

x