Johan Hiddynge draagt voor buren te Zeyen over aan de abdij van Assen 2 1/2 tiendmudde havermolt uit Barnyngeguet te Zeyen, in de buurschap van Zeyen in het kerspel van Vrees. Met bezegeling door Johan Ebbynge.

Ick Johan Hiddyngen bekenne ende tughe in dessen openen breve voer my ende myne rechte erffgenamen dat ick
hebbe verkofft ende verkope ewelike ende erfflike der Eersamer Jonckfrouwen Golden Stellyngen
Abdyssen des cloesters van Assen ende horen Covents [sic] lude derdehalff tend mudde havermolts
de ick hadde over Barnynge guet to Zeyen woe ende waer dat ghelegen is in der buurschap van
Zeyen ende onder den clocken van Vrees voer ene summe ghelds de my vul ende al betaelt is
Ende des heb ick Johan voerscreven broder Henrick Schadyn-ge den stock daer aff ghelecht voer den
buren van Zeyen als lanthrecht in Drenthe also dat zie de moghen op boren ende in manen up
daghe ende termijn als men stede mudde plecht in to manen inden lande van D/r\enthe. Ende desses
voerscreven coeps sal ende wil ick Johan voerscreven off myne erffgenamen voerscreven den covente voerscreven rechte
waerschap doen voer all de ghene de des to rechte komen willen. Alle arghelijst uut
ghesproken. Hijr weren an ende over dat stock leggen Tyde Levynge ende Ludeken Levynge als
buur to Zeyen voerscreven. In oerkonde der waerheyt so heb ick Johan voerscreven ghebeden Johan
Ebbynge dessen breeff voer my ende myne erffgenamen to bezeghelen. Ende ick Johan voerscreven umme
bede wille Johans voerscreven heb mynen zeghel beneden an dessen breeff gehangen. Ghegeven
int jaer ons heren dusent vierhondert ende achte ende sestich up sunte Martens dach.

x

x

Archiv	Drents Archief
Bestand	Arch. Abdij Assen
Inventarnr.	107
Regestnr.	86
Jahr	1468
Datumcode	Martin

x

x

Kommentar	Het zegel is verloren.

x

Material	perkament
Abmessung (mm)	215/120-125

x