Stephanus ther Maet, cureit te Dwigloe en commissaris-generaal van de deken van Drenthie, verklaart de getuigenverklaring van de twee oldermans van de buurschap en daarna van de buren van Witten, op vordering van het convent van Assen, als bewijs dat geen Bolengued in die buurschap en geen betaling te Anloe van een rente uit dat goed sinds mensenheugenis bekend is en dat de buren slechts 2 mudden scultrogghen per jaar opbrengen te Covorden.

Stephanus ther Maet cureyt toe Dwigloe generael commissa-rius des Erbaren heren Nicolaes ther Maeth deken toe Steenwick ende slands van Drenthe
bekenne ende tughe in dessen openen breve woe dat voir my gedaghet synt toe Rolde opten naesten manendach na .....
bure to Witten van weghen des convents van Assen omme konde ende waerheyt to segghen oft inder buerscap van Witten arve .....
geleghen waer dat Bolen gued ghenomet waer ende uuten selven guede des .... toe betalen rogghe toe Anloe op .....
Soe hebben dese vorscreven bure gesworen lyfflicken ... den hillighen myt op gherichten vingheren uutghestavedes edes als hyr na .....
staed Int eerste soe hevet ghetughet Roleff Rericks ende Johan Tydens als oldermans vander buerscap dat hem nicht indachtich .....
is nocht nicht van oiren voirvaders ghehoert en hebben dat bynnen tsestich jaren enich gued gheleghen is inder marcke toe .....
dat Boelen gued ghenomet is noch van ghene pacht en wisten. Mer de voirscreven bure pleghen to betalen des jaers twe mudde scult rogghe
toe Covorden. Ende voirt soe hebben die ghemene bure ghetughet by oiren ede dat sie nicht en weten van Boelen gued dat al .....
inder marcke solde gheleghen wesen noch nicht en hoirt en hebben van oiren olders van soe dane gued noch van yeni-
gherhande pacht
als vorscreven is mer allene soe pleghen die bure vorscreven des jaers to betalen twe mudde scult rogghen toe Covorden. Hyr hebben .....
buren oiren eed op ontbonden. Voirt soe synt hyr by ghe-daghet all van weghen des convents Johan Hiddinck sculte to Rolde
ende Henrick Broylman omme toe hoiren ende toe sien wes inden vorscreven gherichte solde decormert werden. Hyr weren an ende over als
bysitters her Rembolt pastoer to Anloe, her Johan Oykinghe sacrista to Eelde, her Ghert van Suetlaren ende her Johan Lambers vicarius
toe Steenwick. Ghegeven inden jare ons heren dusent vierhondert neghenendetseventich des vrydages na sonnte An-
drees daghe des hillighen apostels onder segell der deke-nyen van Drenthie.

x

x

Archiv	Drents Archief
Bestand	Arch. Abdij Assen
Inventarnr.	98
Regestnr.	94
Jahr	1479
Datumcode	VpAndree

x

x

x

Kommentar	Met zeer geschonden decanaatszegel in groene was.

x

Material	perkament
Abmessung (mm)	270/115-120

x