Johan Klenke Ludekenssone verklaart voor buren te hebben overgedragen aan Johan Vadderinge een losrente van 2 stedemudden rogge uit het goed te Scoloe van zijn neef Johan Clenke (uit?) 1/3 van het goed, door Johan Klenke gekocht van hun oom. Met bepaling dat "dese mudde vors. sint mede van den oldesten mudden"; en bezegeling door Johan Bavinc te Rolde.

Ic Johan Klenke, Ludekens sone doe kunt ende openbaer allen luden de desen breef sullen seen of horen lesen
dat ic mit vryen willen ende gueden beraede voer my ende mijn eerfgenamen hebbe vercoft ende vercope eerf-
like ende ewelike stedes vastes copes Johan Vadderinge ende sinen eerfgenamen twe stede mudde roggen
jaerlix rente Gronninger maete gelegen over Johan Klenken myn neven guet to Scoloe alse dat gelegen is
als hem syn vader angearvet hevet ende my myn vader ange-arvet hevet daer noch to een derden deel
van den guede de ic Johan onsen oem af cofte also to verstane dat ic Johan minen neven vorscreven de twe
deel van den guede vercoft hebbe ebde des landes vorscre-ven daer dese mudde over liggen Johan mijns ne-
ven deel ende de twe deel de ic hem vercoft hebbe vorscreven is by tijn mudde lant of elven mudde lant
hofstede ende also dane guet dat drier broder scheyt heft gewesen daer liggen de mudde over ende ic
wil ende sal Johan vorscreven of syn eerfgenamen van des mudde vorscreven rechte waerscap van doen voer je-
ment de daer rechte op spreken mach sonder argelist. De summe van gelde is veertich gulden de he-
vet my Johan vorscreven vul ende al betaelt tot minen willen. Meer hyr is mede in gesproken dat
Johan Klenke mijn neve of syn eerfgenamen mogen af copen tot allen tiden als hem God bera-
det de twe mudde vorscreven mit veertich gulden paeyment voer den gulden als gange is in der tijt der beta-
linge ende hijr hebben an ende over gewesen dedingeslude heer Egbert Poppinge, Iohan Stael, Ludeken
Willinge, Ludeken Bovinge ende buer over dat stoc leggen. Wermelt Woerdinge, Ludeken Willinge meer
gueder lude genoech ende dese mudde vorscreven sint mede van den oldesten mudden int ....ide als voerscreven
is. Hebbe ic Johan Klenke vorscreven gebeden Johan Bavinc to Rolde desen breef voer my to besegelen
ende ic Johan omme bede willen Johans vorscreven hebbe mijn segel an desen breef gehangen. Gegeven in
den jaer ons heren dusent veerhundert ende tachtentich des sonedages na sante Egidij.

x

x

Archiv	Drents Archief
Bestand	Arch. Abdij Assen
Inventarnr.	86
Regestnr.	96
Jahr	1480
Datumcode	DpEgidii

x

x

Kommentar	Met licht geschonden zegel in groene was.

x

Material	perkament
Abmessung (mm)	255/60-75

x