Burgemeesteren en raad in Groningen verklaren, dat Johan Alberts droeg over aan heer Johan van Borck te Assen een losrente van 24 "olde buttekens" min 1/2 gouden Arnoldusgulden uit zijn huis en hofstede in de Ghuldenstrate Wz.

Wy borgermestere ende Raed in Groningen betugen myt dessen openen breve dat voer ons is gekomen Johan Alberts ende bekande
voer em ende sine erffgenamen dat hie hevet verkofft, upgedragen ende overgegeven heren Johanne van Borck to Assen ende sinen erffgenamen
vierendetwintich olde buttekens myn enen halven golden Arnoldus gulden erffliker renten offte payment dat daer guet voer
is jaerlix to boren alse stad recht is uut sinen huuse mytter hofsteden gelegen ande wester zyde inde Ghulden strate daer
Bertolt ten Graven huus naest by licht ande norder zyd ende Henric Ulgers huus ande zuuder zyd vry ende quyt voer
ene summe geldes de Johan vorscreven bekande dat em vull ende all is betaelt. Hiir is togesproken dat Johan voerscreven
offte sine erffgenamen desse vorscreven vierendetwintich olde butkens myn enen halven golden Arnoldus gulden rente mogen
weder aff, vry ende quyt [sic] tendes her Johans vorscreven levent ende als hie doet is daer na tot allen tyden wanneer em des
genoget myt hundert olde butkens ses butkens rente vorscreven payments sunder argelist. Dat orkonde wy myt onsen
stad secreet. Ghegeven inden jaer onses heren dusent vierhundert vierendetachtentich des dinxdages na sunte Valentinus
dach.

x

x

Archiv	Drents Archief
Bestand	Arch. Abdij Assen
Inventarnr.	53
Regestnr.	97
Jahr	1484
Datumcode	MpValent

x

x

Kommentar	Met geschonden secreetzegel der stad Groningen in groene was.

x

Material	perkament
Abmessung (mm)	250/100

x