Wilm ten Holte verklaart, namens zijn neef Gierd Hubbeldinge voor buren van Sleen aan het klooster van Assen te hebben overgedragen Harmyngeguet te Sleen.

Ick Wilm ten Holte bekenne ende betughe in dessen openen breve dat ick van bevele des Ersamen Gierds
Hubbeldingen myns Nevens hebbe ghelecht den stock Helmiche Stellinx tot behoeff des Cloesters van
Assen over Harmyngen guet toe Sleen nae inholt bezeghelder breve de dat Convent voerscreven daer
van hevet de ick Wilm voerscreven daer van gheseen hebbe daer an ende over weren de Ersame Claws
Clencke ende Wilm Campingen als buur toe Sleen ende meer gueder lu/e\de ghenoech. In oerkunde der
waerheit soe hebbe ick Wilm voerscreven mijn zeghel an dessen breeff ghehangen. Ghegeven int jaer ons
heren dusent CCCC ende LXXXIIII up sunte Barnabas dach des hilgen Apostels.

x

x

Archiv	Drents Archief
Bestand	Arch. Abdij Assen
Inventarnr.	102
Regestnr.	99
Jahr	1484
Datumcode	Barnab

x

x

Kommentar	Met zegel in groene was.

x

Material	perkament
Abmessung (mm)	178-180/73

x