Henrick van den Water en Beerndt van Ittersum schepenen in Zwolle verklaren, dat Herman van Wytman erkende, dat zijn zus Johanna van Wytman, kloosterlinge te Assen, medegerechtigd is in de nalatenschap van wijlen hun ouders Jacob van Wytman en Wobbeken gelijk zijn andere zussen; en dat hij tot afkoop van wat zijn zus uit de ouderlijke boedel toekomt en nog toekomen kan bij vooroverlijden van hem of zijn zussen, aan de abdij heeft overgedragen een losrente van 14 herenponden uit zijn "weren" in de Zassinckstrate en zijn maat buiten de Zassinckpoirte (bovendien belast met 2 andere renten).

Wy Henrick vander Water ende Beerndt van Itterssum inder tijt scepenen in Zwolle maken kondich allen luden dat voir ons gekomen is int scependom
als voir scepenen Herman van Wytman bekennende dat joffer Johanna van Wytman syn suster ende mede joffer ende con-ventuaelsche des cloesters van Assen
van sente Bernaerdus oirden mede verrechticherende verervet is aen soedane gueden rede ende onrede als Jacob van Wytman oir vader ende Wobbeken oir moe-
der die God als genade achter gelaten moegen hebn gelyck anderen synre suster soe sich dan die eersame ende geiste-licke vrouwe Reyn..a Jargs ab-
disse des voirgenoemde cloesters ende dat convent des selven inden aengestorven ende joffer Johannen voirgenoemd aen Herman voirgenoemd guetlicken gehat ende bewesen
hebn. Dairomme Herman voirgenoemd ..r danckber wesende alst behoerde bekande voir hem ende voir syn erfgenamen dat hy voir sodane gueder synre suster
voirgenoemd aengekoemen van vader ende moeder als voirge-noemd staet ende mede voir al... llick guedt ende erfnisse den voirgenoemde convent by leven joffer Johannen
voirgenoemd noch aenkoemen mach van doode Herman ende syn suster ten weer sy ..den bloede nyemant naerer en hadden dan joffer Johanna voirgenoemd den voirgenoemde
cloester ende oeren naekoemelingen dair weder voir geves-tichet ende verkocht heeft stedes erffkoeps viertien heren ponde des jairs als die heir vanden
lande van synre pacht doet boeren uut synre weren in Zassinckstrate gelegen alre naest Steven Kamferbeken erfgena-men aen die ene syde ende her Johan van
Vollenhoe priester aen die ander syde streckende voir vander straten achter aen een ander strate Ende uut synre maedt buten Zassinckpoirte gelegen
alre naest Rotger Snavell aen die ene syde. Te betalen alle jair toe sante Mertyn inden wynter toe pachtrechte Ende hy laveden hem dat die voirgenoemde
jair..... die yrste pacht ..... is die uut der weren ende maedt voirgenoemd gaet naest vijff Beyerssche gulden jairrenthen ende sestien
aernemssche guldene des jairs dair voir uutgaende Ende hy liet hem die jairrente voirgenoemd voir ons op inden selven scependom ende verteech
dair aff alse recht was ende laveden den voirgenoemde convent ende oeren .....meling die voirgenoemde jairrente uut der weren ende maedt voirgenoemd .....
als onse stat recht is in alle manieren als voirgenoemd staet voir hem ende voir syn erfgenamen ende voer alle de gene die des te rechte koemen willen. Behelt-
licken dat Herman voirgenoemd ende syn erfgenamen die voirgenoemde jairrente ..esen ende ....koepen moegen toe alle sante Mertyn voirgenoemd mytter pacht die alsdan ver-
schenen ende onbetailt were ende myt hondert ende dertich over...nsse ....Rynssche gulden voir deser tyt gemont ende geslagen of guet gelyck
payment daer voir aen golde; sonder archelist. Oirkonde sbriefs bezegelt myt onsen segelen. Gegeven int jair onss heren dusent vierhondert tweende
tnegentich des vrydagen nae den sonnendage Jubilate.

x

x

Archiv	Drents Archief
Bestand	Arch. Abdij Assen
Inventarnr.	46
Regestnr.	107
Jahr	1492
Datumcode	VpJubila

x

x

Kommentar	Met geschonden zegel van B. v. I. in groene was, dat van H. v. d. W. is verloren.

x

Material	perkament
Abmessung (mm)	310/120

x