Johan Boldewijns en Lamme echtelieden verkopen aan de abdij van Assen Boldewijnsguet c.a. in en buiten de marke van Schonloe in het kerspel van Bolde, onder voorbehoud van een "ewige memorie" voor hen en dat hun namen "in dat doedenboeck" zullen worden geschreven; en machtigen tot de overdracht Coep Hiddinck, waaraan deze voor buren van Schonlo voldoet. Met bezegeling door Johan Hiddinck.

Ick Johan Boldewyns ende Lamme myn echte wyff bekennen ende doen kundich in dessen breve dat wy myt vryen willen ende gueden beraede
voer ons ende onse rechte erffgenamen verkofft hebben ende verkopen ewelike ende erfflike stedes vastes kopes der ersamer abdissen ende vrouwen
Reynalt Jarghs ende den ghemenen convente van Assen onse erve ende guede gheheten Boldewijns guet ende alden ey-ghendoem den wy
hebben in den guede ende erve voerscreven myt waer ende schaer, toe holte ende toe velde, myt al synen toe behoer ende rechte, woe ende waer de oock
ghelegen synt in der marcke offt buten der marcke van Schonloe ende onder den clocken van Rolde voer eyne summe ghelds de ons
vul ende al betaelt is tot onsen willen. Ende in sunder-linge vorwerde bekenne wy Johan ende Lamme voerscreven dat wy der ersamer abdissen ende
convente voerscreven vernoeghet hebben uut dessen selven guede voerscreven ende ghekofft hebben voer ons beyden toe hebben ende toe holden eyne ewige
memorie ons toe setten in dat doeden boeck ende voer ons toe doen als dat ghewoentlick is in den cloester voerscreven. Ende ick Johan ende
Lamme offt onse rechte erffgenamen voerscreven willen ende sullen den convente voerscreven rechte waerschap doen van dessen guede voerscreven, woe ende vake
des noet is ende hebben ghebeden ende vulmachtich ghemaket den ersamen Coep Hiddinck onsen vrent voer ons ende onse erffgenamen
den stock toe leggen dat ick Coep voerscreven ghedaen hebbe ende hebbe den stock ghelecht omme bede willen Johan Boldewijns ende Lamme
voerscreven der ersamer vrouwen Reynalt Jarghs abdisse voerscreven voer den buren van Schonloe als de ersame Clawes Poppingen, Johanne
Schoyers ende Roloff Koyters. Hyr hebben an ende over ghewest de ersame Johan Knasse ende Coep Hiddinck als dedin-geslude an
beyden siden de ersame Helmich Stellinx amptman in der tijt des cloesters voerscreven ende Sygher Abts van des cloesters weghen.
In oerkunde der waerheit hebbe wy Johan ende Lamme voer-
screven ghebeden den ersamen Coep Hiddinck voerscreven synen vader Johan
Hiddinck van onser twyer weghen toe bidden dessen breeff voer ons ende onse erffgenamen toe bezeghelen dat ick Coep voerscreven gedaen hebbe
ende hebbe mynen vader ghebeden. Ende ick Johan Hiddinck umme bede wille Coeps voerscreven want he des machtich was van
Johan ende Lammen voerscreven hebbe myn zeghel voer hem ende oer twier erffgenamen beneden an dessen breeff ghehangen int jaer
ons heren dusent vierhondert ende vier ende tneghentich up sunte Mathias dach des hilgen Apostels.

AUTHENTICERING: zegel sur doubl;e queue. verloren.

INVENTARIS: RAD Abdij Assen 12 R 110.

UITGAVE:

x

x

Archiv	Drents Archief
Bestand	Arch. Abdij Assen
Inventarnr.	12
Regestnr.	110
Jahr	1494
Datumcode	Matthi

x

x

Kommentar	Het zegel is verloren

x

Material	perkament
Abmessung (mm)	230/150

x