Reyner Fryxma verkoopt aan de abdij van Assen een losrente van 12 Arinsce guldens uit zijn erf en heerd te Ranum. Met medebezegeling door Reyners "kerckheer" Ulfert to Oldenhoue.

Ick Reyner Fryxma bekenne ende betughe mit desse open breve dat ick hebbe vercoft de eerwerdighe vrowe
ende abdisse van Assen ende hoer convent twalef arinsce gulden des iaers erflike rente des iaers to manen
ende to boren uut minen erve ende heert de ick Reyner voerscreven daer ligghende heb to Ranum ende love de voerscreven
vrowe ende convente de voerscreven rente vri daer uut to boren ende to waren voer alle ansprake ende de voerscreven
rente sal se boren elkes iaers to suncte Meerten na datum des breven ende ick Reyner voerscreven bekenne dat
mi desse voerscreven twe hundert arnemsche gulden vol ende al sint betaelt daer um so bikenne ick Reyner voerscreven voer
mi ende minen erfghenamen iof ick ofte myn erfgenamen to allen suncte Meerten neit betaelt so sal ende mach de voerscreven
vrowe ende convente manen mit wat recht dat se wil scade-
loes ghelt sunder argulist. Men hyr is tho ghe-
sproken dat Reyner voerscreven of syn erfghenamen moghen disse twalef arinsche gulden rente vri ende quijt copen
tot allen suncte Meerten binnen ses iaren wanneer hem des ghelevet mit twe hundert arinsce gulden ende de
volle rente of mit hondert ses of to copen ende volle rente als na datum des breves ende den arinsche gulden
stedes gherekent voer tijn Groninger stuvers als nu tert tijt ghanck ende gane in Groninghen sint in hoer kunde
des warijt ende vestenisse so heb ick Reyner voerscreven myn selves seghel voer mi ende mijn erfghenamen bi neden
an desen bref ghehanghen um enen meer vestenisse des breves so heb ick Reyner voerscreven oeck ghebeden minen
eersemen kerckheren heer Ulfert to Olden hove dessen breef me to beseghelen ende des heb ick her Ulfert
minen seghel mede an dessen breef ghehanghen um Renne voerscreven bigeerte ende bede willen ghescreven
int iaer unses heren dusent veirhundert ende vifenneghentich up Symon ende Juden avent.

x

x

Archiv	Drents Archief
Bestand	Arch. Abdij Assen
Inventarnr.	11
Regestnr.	111
Jahr	1495
Datumcode	vSimJud

x

x

Kommentar	Met zegel van E. F. in groene was, dat van V. t. O. is verloren.

x

Material	perkament
Abmessung (mm)	235/80

x