Burgemeesteren en raad in Groningen bekrachtigen de uitspraak van de door hen benoemde scheidslieden in het geschil tussen de abdij te Assen en Roloff ten Holte met zijn kinderen en medeparten, met betrekking tot de nalatenschap van Yeye Houinge. Bij welke uitspraak wordt toegedeeld ten eerste aan de kinderen van Roloff ten Holte het halve erf te Segese (behalve dat de molenaar ter Oldenmolen wat hij onder sinen ploech gehad heeft in pacht zal behouden of de kinderen zullen ontvangen de twee kerckstolen in afkoop van die pacht), de rente van 8 of 9 mudden roggen bij de Oestermoer, 4 grazen land in de Vogelsanck, het veen op Annervene, een rente van 4 1/2 Arnensgulden uit het huis van Barneer Bayen en een van 14 1/2 kromstaart uit het huis van Roloff van Barsen; en ten tweede aan de abdis de roerende goederen, voorzover zij ze niet wil afstaan aan de kinderen, en de onroerende goederen niet sub 1 genoemd.

Wy Borgermeistere ende Raedt in Groningen* betugen myt dessen openen breve dat soe wy de Ersamen Johan Scaffer onser stad Bor-
germeister Henrick Korenpoertink ende Coerd Conrades tot entlike sceydesluden ende seggesluden gheschicket ende geordinert had-
den inder schelinghe tusschen der weerdiger ende religio-ser vrouwen Reynolt Iarges abdisse des conventes toe Assen ende den
convente vorscreven ande ene ende Roloff ten Holte myt sine kinderen ende mede parten ande ander syden syck oersakende omme
de erffnissen ende nagelatenen guderen salige Yeyen Hovinge mede willende ende bevelende dat Roloff vorscreven myt sine mede-
parten der vorscreven sceydinge ende segginge ganslike hoersam sunder enich weder seggen wesen solde hebben de voerscreven
seggesluden soe sie voer ons bekand hebben een uutsprake inder vorscreven scelinge gedan* ende uutgesproken in maneren hyr
nae bescreven: Inden eersten solen Roloff ten Holte myt sine mede parten der vrouwen vorgenoemd gued onderwys doen
nae hoere beste wytscap van alle den nagelatenen guderen saligen Yeyen vorgenoemd. Daer nae solen Roloffs vorscre-ven kinderen hebben
dat halve erve toe Segese so dat gelegen is. Beholden dat de molner ter Oldenmolen dat gene dat he duslange onder
sinen ploech gehat hefft sall holden up sodanen ewige pacht als he nu gifft offte de kindere vorscreven solen hebben de twe kerc-
kstolen ende dan sall des molners land vry wesen. Item, solen de kinderen noch hebben ende beholden sodanen achte offte
negen mudde roggen soe cleen ende groet als se de toe maende hebben by den Oestermoer. Item, noch veer grasen
landes gelegen inden Vogelsanck soe vole als der vrouwen vorscreven ende Henrick daer van ankomet. Item, dat vene
gelegen up Anner vene. Item, vyffte halff arnensen gulden uut Barneer Bayens hus. Item, vyffteyndehalff krumsterten uut Roleff
van Barsens huus. Item, voert sint voerwerden weren daer welke van dessen guderen de de vrouwe vorgenoemd van Henrick
ter sceydinge neet bekomen mochte de mach se tot gude manne seggen vergoeden. Item, voerd vanden tylbar guderen
mach de vrouwe vorscreven den kinderen vorgenoemd gheven nae hoeren willen ende tuechnisse oere eren. Item, daer nae sall de
vrouwe vorgenoemd alle andere guderen repplick ende onrep-plick woe ende waer de gelegen sint eweliken ende erffliken
tot behoeff des convents vorscreven holden ende besitten. Hyr mede solen alle scelinge tusschen den parten vorscre-ven neder ghe-
lecht wesen ende de vrouwe vorgenoemd hoere procueratoeren ende deners besunder Meyster Arent van Steenwick solen
hyr mede guden vrede hebben van oeren weder parten vorge-noemd. Des so solen de parten vorgenoemd hyr mede ganslike ghe-
sceyden bliven sunder alle ansprake offte to seggen der vorscreven scelinge halven up malkanderen te doende offte toe
beholden tot ewigen dagen myt enigen rechte geestlick offte warlick alle nyefonde ende argelist hyr uutghe-
sceyden. Dat orkunde wy myt onsen stad segel. Ghegeven inden jaer ons heren dusent veerhundert achtendetnegen-
tich des saterdages voer Sunte Vyt doe Garmet Allema, Coppyn Jarges, Hermen Lewe ende Johan Scaffer
Borgermeistere waeren onser stadt.

x

x

Archiv	Drents Archief
Bestand	Arch. Abdij Assen
Inventarnr.	48
Regestnr.	113
Jahr	1498
Jahr	1498
Datumcode	SaViti

x

x

Kommentar	Het stadszegel is verloren.

x

Material	perkament
Abmessung (mm)	245/180

x