Johan Scatter erkent geen recht te hebben op enige rente uit de heerd in het kerspel te Adorp, geheten Up de Valge, omdat de abdij te Assen zijn rente daaruit van 6 goudguldens afkocht en zijn rentebrief dus "uut der macht is."

Ick Johan Scatter doe kunt ende bekenne myt dessen openen breve dat voer my ende myne erffgenamen ende voer alle de gene de dessen
brieff seen offte hoeren lesen dat ick Johan vorscreven noch myne erffgenamen gene ansprake en hebben van renten als uut sodane
heert gelegen inden karspel toe Adorp geheten Up de Valge uut welken heert vorscreven ick Johan vorgenoemd hadde ses golden gulden
jaerlix. Men bekenne dat my dat convent toe Assen voer de vorscreven ses golden gulden renten hundert golden gulden ende ses vernoget
ende wall betaelt hebben. Soe toe vorstaen dat ick Johan vorscreven gene ansprake en hebbe up sodanen vorscreven heert van renten
noch van schulden in enige dingen niet, men dancke den vorscreven convente guder betalinge ende sodanen brieff als ick
Johan vorgenoemd hebbe inholdende van ses golden gulden renten bekenne ick Johan vorscreven dat sodanen brieff uut der macht
is, want my dat vorscreven convent dat principael mytter laester renten vull ende [sic] betaelt hevet. In Orkunde der warheyt
hebbe ick Johan Scaffer vorgenoemd myn segel an dessen brieff gehangen. Ghegeven inden jaer ons heren dusent vyff
hundert des saterdages nae paeschen.

x

x

Archiv	Drents Archief
Bestand	Arch. Abdij Assen
Inventarnr.	55
Regestnr.	115
Jahr	1500
Datumcode	SpPasche

x

x

Kommentar	Met geschonden zegel in groene was.

x

Material	perkament
Abmessung (mm)	250/90

x