De abdij te Assen vestigt - voor een van Coppijn Jarghes ontvangen som geld, bestemd voor de aankoop van land te Adorp - voor hem een rente van 6 gouden Rijnsguldens; waarop Coppijn die rente legateert aan de abdij "voir eyn ewich "testament", om op de medegedeelde wijze te besteden (ten dele ten behoeve van zijn dochter Alijt Jarghs non te Assen). Met bepaling dat bij gebleken moedwillig verzuim van het voorgeschrevene de erfgenamen de rente zullen mogen geven aan een ander klooster onder dezelfde verplichtingen.

Wy Reynolt Jarghes nutertyt abdisse des cloesters van Assen mytten ghemenen seniers des selven convents bekennen ende belyen in dessen selven jeghewordighe breve dat wy hebben
verkoft opgedraghen ende overgegeven draghen op ende gheven over vor ons ende onsen nakomelingen den eersamen Coppyn Jarghes Reynoldts vorscreven broder sees golden overlansche
rynsche gulden vor datum des breves ghemuntet ende anders gheen gheelt eweliker ende arffliker renten uut onsen convent to Assen offt uut des selven convents goderen
oeck wair de geleghen moghen wesen wair Coppyn vorscreven des alre beste belyvet all iaer uuttemanen myt wat rechte Coppyn vorscreven des ock alrebeste belyvet tot allen
paschen to betalen vor eyn somme gheldes als by namen hondert golden overlansch rynsch gulden de wy Reynolt abdisse vorscreven myt onsen seniors bekennen dat ons vul ende
wal ende al betalt is sunder alle argelyst. Welke vorscre-ven ghelt wy Reynolt abdisse mytten gemenen seniors bekennen oc dat wy dat hebben gelacht in dat lant dat wy
hebben gekofft to Adorp. Vort mer so bekenne ic Coppyn verscreven vor my ende vor myne arffgenamen dat ic desse vorscreven sees golden overlansch rynsch gulden arfflic-ker renten weder op
draghe ende overgheve draghe op ende overgheve na mynre doot den selven convent to Assen vorscreven voir eyn ewich testament by also dat de gewilde juncferen inden selven convent
sullen hebben vande sees golden overlansch rynsch gulden rente na Coppins doot den God salich make alle jaer IIII golden rynsch gulden als vorscreven is. Ende daer is to geramet dat
men datmen (sic) sal maken all iaer dree warff gracien als paschdach mydwyntersdach ende opden dach dat Coppyns iaertyt is. Opten paschdach ende ock opten mydwyntersdach sullen
de juncferen hebben alle jaer also vele gude rynsch wyns als men mach koppen myt enen vanden vier rynsch gulden vorscreven also dat vier juncferen krygen ende hebben sullen eyn
quart rynsch wyns. Ende de prior ende supprior inder tyt onder hem beyden eyn quart. Ende op Coppyns vorscreven jaertyt sullen de vorscreven juncferen vorscreven prior ende supprior hebben
also vele gudes rynsch wyns als men vor de twe anderen golden rynsch gulden koppen mach also dat dair twe juncferen hebben sullen I quart ende prior ende supprior elck eyn
quart ende wanner se desse gracie hebben so sullen des daghes dair na de juncferen prior ende supprior bydden vor Coppyns vorscreven sele also vele als behorlick is. Ende opde
dach als Coppyns vorscreven jaertyt is so sal eyn elck juncfer lesen eyn vigilie ende prior ende supprior elck eyn collect inder myssen offt eyn misse. Ist sake dat se dat ver-
moghen biddende vor Coppyns vorscreven dochter nonne to Assen all iaer to paschen de ander twe rynsch gulden so langhe als Aleyt levet dar se mede kopen mach
kruet ende ander kleyne waren de se dan ter tyt behovet. Ende na Aleytz vorscreven doot salmen op te dree vorscre-ven gracien daghen kopen vor de twe golden rynsch gulden
den juncferen prior ende supprior weyten broet als opten paschdach ende oc opten mydwinter dach vorscreven eyn yghlick juncfer eyn plack wegghe ende des ghelick de prior ende
supprior. Ende op Coppyns vorscreven jaertyt eyn yghlick twe placken wegghen. Ende wes dan vanden tween golden rynsch gulden overlopet dat sal wesen tottens conventes vorscreven beste
ende profyt. Hyr is togesproken dat dyt testament sall duren tot ewighen tyden ende dat sal myn vrouwe van Assen inder tyt also schicken ende besorghen dat dyt allent
als vorscreven is aldus geschee. Ende wert sake dat dyt testament nyt vullentoghen en worde off enyghe gebreck in velle als dat dyt allent nyt vollentoghen en worde
als vorscreven is by also dat de meste juncferen offt Alyt Jarghes sych des beclagheden dat hem nyt geschede na uutwysingen dessen breve offt testament an Coppins vorscreven
arffgenamen ende Coppins vorscreven arfgenamen ..... vrouwe van Assen dyt te kenne gheven eynwarff, anderwarff ende dardewarff ende des dat noch nyt vollentoghen en worde
als vorscreven is sal dyt testament doot ende van ghenre werde wesen by also dat dan Coppins vorscreven arfgenamen desse vorscreven sees golden overlansche rynsch gulden renten
moghen in eyn ander gaercloister gheven de dyt testament dan verwaren sullen allent als vorscreven is. Ende dat convent moghen dan in manen desse vorscreven sees golden rynsch gulden
rente gelicker wyss off Coppyn vorscreven selve noch levede. In orkunde der wairheit so hebben wy Reynolt Jarghes inder tyt abdisse myt consent der ghemener
seniors des conventes van Assen onsen conventes seghel an dessen breve gehanghen ende in mere vestinge der wairheit so hebbe ic Coppyn vorscreven ock mynen
seghel an dessen selve breve gehanghen int jaer ons heren dusent vyffhondert ende eyn op sunte Margaereten dach.

x

x

Archiv	Drents Archief
Bestand	Arch. Abdij Assen
Inventarnr.	13
Regestnr.	118
Jahr	1501
Datumcode	Margar

x

x

Kommentar	Met geschonden zegel van C. J. in groene was; het conventszegel is verloren.

x

Material	perkament

x