Reynalt Jarghs abdis te Assen geeft kwijting aan Henrick Die Voss met zijn vrouw met betrekking tot de "proeve ende medeghave" voor hun dochter Beerte; en erkent met toestemming van de "oldermans" dat de abdij geen recht kan doen gelden op de eventuele nalatenschappen van hen en hun kinderen, maar dat de abdij, wanneer Beerte haar verwanten overleeft, eens 100 oude schilden zal ontvangen.

Wy Reynalt Jarghs abdisse des cloesters van Assen bekennen in desse openen breve voer ons ende onse naekomelynge dat ons die Ersame
Henrick die Voss ende syne huusvrouwe ons alynck ende al vernoeghet ende vulghedaen hebben als vander proeven ende medeghave van
oer dochter Beerten. Voert bekennen wy dat overmids sun-derlinge waldaet ende vrenschap ons ende onsen convente ghescheen ende bewesen is
dat wy daer umme by consente onser oldermans hebben qwyt ghescholden ende schelden qwyt Henrick die Voss ende sijnre huusvrouwen
ende oer twyer kynder vander erffnisse die ons ende onsen cloester ankomen mach van vader ende moder, broders ende susters alzoe
dat wy up der erffnisse voerscreven ghene ansprake en holden ten weer saeke dat vader ende moder, broders ende susters afflivich
worden ende Beerte dan noch inden lyve were soe solden dat convent verbetert wesen vanden guedere eyns hondert olde schilde.
In oerkunde der waerheit hebben wy Reynalt abdisse voer-screven voer ons ende onse naekomelynge onsss [sic] convents zeghel an dessen
brieff gehangen. Ghegeven in den jaer ons heren dusent vijffhondert ende twe up sunte Laurens avent.

x

x

Archiv	Drents Archief
Bestand	Arch. Abdij Assen
Inventarnr.	40
Regestnr.	119
Jahr	1502
Datumcode	vLauren

x

x

Kommentar	Met geschonden abdijzegel in groene was.

x

Material	perkament
Abmessung (mm)	230/90

x