| Nummer:coe0076 | Datum: | Überlieferung:Origineel | Fundstelle:Arch. Coevorden, inv.nr. 0076 |
Aldus heft geweset onse olde vryhede Recht ende gewoente binnen Covorden by onse
voirvaderen tyden ende nae by onses genedigen heren tyden van Utrecht dat hier ghene dagebreve
noch banbreve bynnen der vryheit van Covorden gegaen en hebben Ende weert sake
dat daer yemand brochte die voirscreven breve bynnen der vryheit toe Covorden als by seligen
Sweders tyden van Rechter den got genedige die inder tyt drossate was toe Covorden onser
genedigen heren van Utrecht welke lude daer brochten banbreve ende weren guede man uut den
lande van Drenthe die Sweder voirscr. toe behoeff myns genedigen heren ende sloech
sie inden stock daeromme dat sie myt den breven die vryheit gebroken hadden ende schattede
hem aff dat selve dat sie hadden. Voert so heft Joncker Frederic vander Eese den got ghe
nedich sy Johan van Buchorst ende Herman van Haerst die inder tyt Amptmans toe Covorden
geweset hebben die hebben dese vryheit geholden in alsulken rechte vryheit ende ghe
woente als voerscreven is Item desse voerscr. guede manne die de vryheit breken als voirscr.
des en tosch sick dat lant van Drenthe niet an want sie wall wysten dat die vryheit
myt den breven gebroken was Anders haddet onmoegelick geweest datmen enen lantman
toe Covorde gevanghen hadde. Item inder tyt do myn heer van Utrecht Covorde wan
do liet he die borgher van Covorde voer hem komen ende de swoeren hem truwe ende hold te
wesen ende die vryheit toe bewaren nae rechte en naeder older gewoenten Des liet
Joncher Sweder van Rechter die borgher voer hem komen inder tyt do he Amptman was
ende vragede hem omme der vryhede recht ende gewoenten daer segeden sie hem die rechte ende
gewoente der vryheit ende segeden hem dat daer ghene banbren (sic) ghaen en mochten ende
wie die brochte die hadde die vryheit gebroken do liet he den kercheren voer hem komen ende
bevall hem by synen leve dat he ghene breve ontfanghe he ontfenghe sie in anschyne
der lude inder kerken. Voert so bevall he den gemenen borghers by oeren lyve wen
sie betreden die alsulke breve brochte den solden sie holden ende men solde hem doen nae der older gewoenten ende dat geveell also dat daer naest een breve brochte ende den dede
men als voerscr. steet.
Item daer en is ghien man bynnen Covorden also olt den des hoghet off dencket we daer
breve brachte bynnen Covorden eer myns genedigen heren tyt van Utrecht die daer myt den lyve
hen schedde.
Item wy hopen dat myn heer ende die stede need willen dat wy verontrechtet werden
want wy besoent synt opp alle onse olde recht ende gewoenten, want ons myn genedege
heer van Utrecht enen brieff gegeven heft daer inne steet ons toe beholdene all onse
olde rechte ende gewoenten ende die toe vestigen ende confirmieren.
Item die Scepen van Covorden hadden ene olde Cedele opp papyr gescreven in oerre kisten
die welke verghancklick was, daeromme is dese Cedele daer uut gescreven omme te weten woe
dat oere voirvaderen die vryheit geholden hebben, daer myn genedige here van Utrecht ende syn
genaden Amptluden die borghers van Covorden altyt inne geholden ende beschermet hebben
Gescreven unde gecopieert inden jaer onses heren dusent vierhondert vyff endetachtentich in vigilia
beati Andree Apostoli.
voirvaderen tyden ende nae by onses genedigen heren tyden van Utrecht dat hier ghene dagebreve
noch banbreve bynnen der vryheit van Covorden gegaen en hebben Ende weert sake
dat daer yemand brochte die voirscreven breve bynnen der vryheit toe Covorden als by seligen
Sweders tyden van Rechter den got genedige die inder tyt drossate was toe Covorden onser
genedigen heren van Utrecht welke lude daer brochten banbreve ende weren guede man uut den
lande van Drenthe die Sweder voirscr. toe behoeff myns genedigen heren ende sloech
sie inden stock daeromme dat sie myt den breven die vryheit gebroken hadden ende schattede
hem aff dat selve dat sie hadden. Voert so heft Joncker Frederic vander Eese den got ghe
nedich sy Johan van Buchorst ende Herman van Haerst die inder tyt Amptmans toe Covorden
geweset hebben die hebben dese vryheit geholden in alsulken rechte vryheit ende ghe
woente als voerscreven is Item desse voerscr. guede manne die de vryheit breken als voirscr.
des en tosch sick dat lant van Drenthe niet an want sie wall wysten dat die vryheit
myt den breven gebroken was Anders haddet onmoegelick geweest datmen enen lantman
toe Covorde gevanghen hadde. Item inder tyt do myn heer van Utrecht Covorde wan
do liet he die borgher van Covorde voer hem komen ende de swoeren hem truwe ende hold te
wesen ende die vryheit toe bewaren nae rechte en naeder older gewoenten Des liet
Joncher Sweder van Rechter die borgher voer hem komen inder tyt do he Amptman was
ende vragede hem omme der vryhede recht ende gewoenten daer segeden sie hem die rechte ende
gewoente der vryheit ende segeden hem dat daer ghene banbren (sic) ghaen en mochten ende
wie die brochte die hadde die vryheit gebroken do liet he den kercheren voer hem komen ende
bevall hem by synen leve dat he ghene breve ontfanghe he ontfenghe sie in anschyne
der lude inder kerken. Voert so bevall he den gemenen borghers by oeren lyve wen
sie betreden die alsulke breve brochte den solden sie holden ende men solde hem doen nae der older gewoenten ende dat geveell also dat daer naest een breve brochte ende den dede
men als voerscr. steet.
Item daer en is ghien man bynnen Covorden also olt den des hoghet off dencket we daer
breve brachte bynnen Covorden eer myns genedigen heren tyt van Utrecht die daer myt den lyve
hen schedde.
Item wy hopen dat myn heer ende die stede need willen dat wy verontrechtet werden
want wy besoent synt opp alle onse olde recht ende gewoenten, want ons myn genedege
heer van Utrecht enen brieff gegeven heft daer inne steet ons toe beholdene all onse
olde rechte ende gewoenten ende die toe vestigen ende confirmieren.
Item die Scepen van Covorden hadden ene olde Cedele opp papyr gescreven in oerre kisten
die welke verghancklick was, daeromme is dese Cedele daer uut gescreven omme te weten woe
dat oere voirvaderen die vryheit geholden hebben, daer myn genedige here van Utrecht ende syn
genaden Amptluden die borghers van Covorden altyt inne geholden ende beschermet hebben
Gescreven unde gecopieert inden jaer onses heren dusent vierhondert vyff endetachtentich in vigilia
beati Andree Apostoli.
