| Nummer:coe0080 | Datum:3 nov. 1556 | Überlieferung:Origineel | Fundstelle:Arch. Coevorden, inv.nr. 0080 |
Johan van Ligne grave to Arenberch
vryheer to Barbansson etcetera Kunincklicker Majesteit Stadthalder
ende capiteyn generael over Vrieslandt.
Overijssel, Groningen ende Lyngen.
Gestrenge, hoochgeleerde Erentfeste Erbare lieve
besondere. Alsoe ons totten ontslaen ende quyting vanden
eedt daermit die onderdanen ende gemeyne ingesetenen
van Cofoirden Romischer Keyserlicke Majesteit onsen alder genadigste heeren alnoch
verplicht syn ende daer nae totten eedt ende huldinge
die zy kunincklicke majesteit van Spaegnien, Engelant etcetera syner
keyserlicke Majesteit gelieften zoen doen zullen ende daer toe
wy onder andere by beyder oiren majesteite openen breven van
commissien besonderlick volmechtiget ende gecommitteert
zyn anderen voervallenden gescheften halven persoenlick
to verstaen ongelegen Soe hebben wy u in stadt onsen
ende in onsen affwesen vermuge onser voirscreven commissien
gesubstitueert ende verordent substitueren ende verordenen
mits desen om ter eerster gelegentheyt die voirscreven
onderdanen ende gemeyne ingestenen van Cofoirden ter
gewoentlicke plaetzen to doen versamelen ende denselvigen
aldaer vanden eedt ende hulde daermit zy hoichstgenadigste
keyserlicke majesteit tot noch toe verbonden syn geweest to ontlasten
ende daer nae die selve hulde ende eedt van wegen
hoichgedachte kunincklicke majesteit respectivelick to doen ende to ontfangen
daer van behoerlicke acte oft reversael to geven ende
to ontfangen soe vern des noet zy ende voirts to
doen alle tgene des daer aencleeft ende daer van
dependeren mach. Daer toe wy u in stadt ende van
wegen beyde majesteite macht auctoriteyt unde sunderlinge
bevel geven byn desen.
Ten anderen alsoe wy van zekere twist ende schelinge
tusschen den eygen geerffden ende incomelingen van
Coiforden die drift vande meente aldaer belangende
onderricht syn Soe ordineren wy u voirts ende committeren
beyde partien voer u te roepen, to verhoeren ende inder
fruntschap to vergelycken yst mogelick oft anders
ons van alles scriftlicke rapport to doen om die
gesien voirts in die saecken tlaeten geschien alst
behoiren sal. God bevolen. Datum Vollenhoe den IIIen
dach novembris 1556.
Johan van Ligne.
DORSO : Den gestrengen hoochgeleerden Erentfesten
Erbaren onsen lieven besonderen Reynolt
van Bourmania Droste to Cofoirden ende
slants van Drenthe ende Magister Gerhardt
Oistendorp Kunincklicker Majesteit Raedt in Overyssel.
vryheer to Barbansson etcetera Kunincklicker Majesteit Stadthalder
ende capiteyn generael over Vrieslandt.
Overijssel, Groningen ende Lyngen.
Gestrenge, hoochgeleerde Erentfeste Erbare lieve
besondere. Alsoe ons totten ontslaen ende quyting vanden
eedt daermit die onderdanen ende gemeyne ingesetenen
van Cofoirden Romischer Keyserlicke Majesteit onsen alder genadigste heeren alnoch
verplicht syn ende daer nae totten eedt ende huldinge
die zy kunincklicke majesteit van Spaegnien, Engelant etcetera syner
keyserlicke Majesteit gelieften zoen doen zullen ende daer toe
wy onder andere by beyder oiren majesteite openen breven van
commissien besonderlick volmechtiget ende gecommitteert
zyn anderen voervallenden gescheften halven persoenlick
to verstaen ongelegen Soe hebben wy u in stadt onsen
ende in onsen affwesen vermuge onser voirscreven commissien
gesubstitueert ende verordent substitueren ende verordenen
mits desen om ter eerster gelegentheyt die voirscreven
onderdanen ende gemeyne ingestenen van Cofoirden ter
gewoentlicke plaetzen to doen versamelen ende denselvigen
aldaer vanden eedt ende hulde daermit zy hoichstgenadigste
keyserlicke majesteit tot noch toe verbonden syn geweest to ontlasten
ende daer nae die selve hulde ende eedt van wegen
hoichgedachte kunincklicke majesteit respectivelick to doen ende to ontfangen
daer van behoerlicke acte oft reversael to geven ende
to ontfangen soe vern des noet zy ende voirts to
doen alle tgene des daer aencleeft ende daer van
dependeren mach. Daer toe wy u in stadt ende van
wegen beyde majesteite macht auctoriteyt unde sunderlinge
bevel geven byn desen.
Ten anderen alsoe wy van zekere twist ende schelinge
tusschen den eygen geerffden ende incomelingen van
Coiforden die drift vande meente aldaer belangende
onderricht syn Soe ordineren wy u voirts ende committeren
beyde partien voer u te roepen, to verhoeren ende inder
fruntschap to vergelycken yst mogelick oft anders
ons van alles scriftlicke rapport to doen om die
gesien voirts in die saecken tlaeten geschien alst
behoiren sal. God bevolen. Datum Vollenhoe den IIIen
dach novembris 1556.
Johan van Ligne.
DORSO : Den gestrengen hoochgeleerden Erentfesten
Erbaren onsen lieven besonderen Reynolt
van Bourmania Droste to Cofoirden ende
slants van Drenthe ende Magister Gerhardt
Oistendorp Kunincklicker Majesteit Raedt in Overyssel.
x
| Archiv | Drents Archief |
|---|---|
| Bestand | Arch. Coevorden |
| Zugangsnummer | 116 |
| Inventarnr. | 0080 |
| Jahr | 1556 |
| Datumcode | 0311 |