| Nummer:coe0241a | Datum:6 okt. 1557 | Überlieferung:Origineel | Fundstelle:Arch. Coevorden, inv.nr. 0241 |
Ersame, wyse, voersichtige, gunstige, goede vrunde. Alsoe ick lestmael
mit u lieden burgemesters hier toe Swol wesende als Henrick van Worms
Ewert vander Lyp ende Jan Kock gesproeken hebbe om van u lieden te hebben
een quitancie van anderhalff hondert carolus gulden de min selige vaeder
de Griffier van Overyssel als curator des sterffhuyss van Tautenburch
u lieden hefft doen betaelen by Jan van Reynoy srtyts Rentnester
vander Drenthe voer seker baxstien uwer kercken toebehoerende welcke
stien tot reparatie van den huyse toe Coeforden gekoemen is.
Soe heb ick ter selver tyt doe u lieden burgemesters hier waeren gedaen
Dirich Schidrich een concept off ontwerp van de voerscreven quitancie
om de selve by u lieden int reyn te laeten schriven ende by u lieden (vergelt) versegelt
te werden ende by de kerckfoechden geteykent te werden want my
de voerscreven quitancie van noeden is te hebben ende oeck gien en bevinde.
Begerende daer omme dat u lieden my de voerscreven quitancie upt vorderlicx
wyllen schicken off by eenen boeden senden de ick sal betaelen
als ick doe oeck mit u lieden burgemesters gesproeken hebbe. Hier
mit Godt Almachtich bevolen de u lieden lange gesont wyl
spaeren. Datum toe Swol den VIen octobris anno XVc LVII.
U lieden gunstige frunt
Georgen van Twenberger.
DORSO : Dem Ersamen wysen ende voersichtigen
Burgemesteren, Schepen ende raedt der stadt
Coeforden mijne gunstige goede vrunde.
mit u lieden burgemesters hier toe Swol wesende als Henrick van Worms
Ewert vander Lyp ende Jan Kock gesproeken hebbe om van u lieden te hebben
een quitancie van anderhalff hondert carolus gulden de min selige vaeder
de Griffier van Overyssel als curator des sterffhuyss van Tautenburch
u lieden hefft doen betaelen by Jan van Reynoy srtyts Rentnester
vander Drenthe voer seker baxstien uwer kercken toebehoerende welcke
stien tot reparatie van den huyse toe Coeforden gekoemen is.
Soe heb ick ter selver tyt doe u lieden burgemesters hier waeren gedaen
Dirich Schidrich een concept off ontwerp van de voerscreven quitancie
om de selve by u lieden int reyn te laeten schriven ende by u lieden (vergelt) versegelt
te werden ende by de kerckfoechden geteykent te werden want my
de voerscreven quitancie van noeden is te hebben ende oeck gien en bevinde.
Begerende daer omme dat u lieden my de voerscreven quitancie upt vorderlicx
wyllen schicken off by eenen boeden senden de ick sal betaelen
als ick doe oeck mit u lieden burgemesters gesproeken hebbe. Hier
mit Godt Almachtich bevolen de u lieden lange gesont wyl
spaeren. Datum toe Swol den VIen octobris anno XVc LVII.
U lieden gunstige frunt
Georgen van Twenberger.
DORSO : Dem Ersamen wysen ende voersichtigen
Burgemesteren, Schepen ende raedt der stadt
Coeforden mijne gunstige goede vrunde.
x
| Archiv | Drents Archief |
|---|---|
| Bestand | Arch. Coevorden |
| Zugangsnummer | 116 |
| Inventarnr. | 0241 |
| Jahr | 1557 |
| Datumcode | 0610 |