| Nummer:coe0249 | Datum: | Überlieferung:Origineel | Fundstelle:Arch. Coevorden, inv.nr. 0249 |
Wy Hermen ter Poerten, Johan Vlugge, Lubbert Wifferinck, Johan baertscheerre, Johan Berniers van wegen Harder
Staels, Roloff Fockinck, Lubbert van Hulsen, Johan Oertwyns die olde, Johan Oertwyns die ionghe, Henrick
Pelser, Hinrick Bynde, Hinrick Scroer, Leffert vander Lippen, Hinrick Cloet, Yurgen Hertynck, Albert Gertmages,
Hinrick Grawert, Johan Witte ende Johan Haselhorst indertyt Schutten toe Covorden bekennen ende maken kondt
myt desen openen breve voer ons ende voer onse nacomelingen Schutten toe Covorden dat wy uut begheerten der
gemeynen borgeren ende kerspilluyden toe Covorden ende omme kentlicke noetsaken dair wy myt sampt den
gemeynen borgeren ende kerpilluyden toe Covorden nu ter tyt leyder mede beswaert synde als brantschattynge
dynckghelt ende anders daer wy mede belast syn toe betaelende hebben geghont beliefft ende geconsentiert believen
gunnen ende consentieren dat die gedeputierden borgere van Covorden die gekoren ende geordiniert syn dese
beswarynge ende lasten uuth to vorderende Moghen eens op die Schuttenmaet fenien (?) offte nemen daer sy
des best konnen bekomen Eenhondert ende sestich aernhems guldenen gronynger ghelts die sy des jairs uut
der voirscr. maet myt Acht aernhems gulden payments voirscr. moeghen verhantgelden ter tyt to dat sy die
principaell Summa weder betaelt hebben Myt vorworden dat wy myt sampt den borgeren ende kerspilluyden
toe Covorden soe langhe als dese maet voirscr. van den voirscr. gelde nyet gevryet en is Ene waskeersze
soelen holden toe Covorden inder kercken voer sanct Yurgens beelde in allen Mattenen Missen, Vesperen ende
anderen getyden toe bernende, als dat van oldes uuth der pacht der voirscr. maet gewoentlicken is gewest. Oick
en sall die voerscr. maet tot ghenen tyden hogher beswaert wesen dan als voergeruert is. Sonder all argelist
Ende want wij schutten ende wy borgere ende kerspillude voergen. dyt allent voergeruert voer ons ende voer
onse nacomelynghen stede vaste ende onverbroken willen ende loven in gueden truwen toe holdende Soe hebben
wy gebeden Bourgermestere ende Schepenen toe Covorden desen brieff myt der Stadt Seghell voer ons to besegelen
Ende wy bourgermesteren ende Scepenen voergen. omme bede willen deser voergen. Schutten, Bourgeren ende kerspilluyden
van Covorden hebben onsen Stadt Segell beneden an desen brieff gehanghen Gegeven inden jaer unss heren duysent
vyffhondert vierendetwyntich opten Saterdach nae sanct Agneten dach.
Staels, Roloff Fockinck, Lubbert van Hulsen, Johan Oertwyns die olde, Johan Oertwyns die ionghe, Henrick
Pelser, Hinrick Bynde, Hinrick Scroer, Leffert vander Lippen, Hinrick Cloet, Yurgen Hertynck, Albert Gertmages,
Hinrick Grawert, Johan Witte ende Johan Haselhorst indertyt Schutten toe Covorden bekennen ende maken kondt
myt desen openen breve voer ons ende voer onse nacomelingen Schutten toe Covorden dat wy uut begheerten der
gemeynen borgeren ende kerspilluyden toe Covorden ende omme kentlicke noetsaken dair wy myt sampt den
gemeynen borgeren ende kerpilluyden toe Covorden nu ter tyt leyder mede beswaert synde als brantschattynge
dynckghelt ende anders daer wy mede belast syn toe betaelende hebben geghont beliefft ende geconsentiert believen
gunnen ende consentieren dat die gedeputierden borgere van Covorden die gekoren ende geordiniert syn dese
beswarynge ende lasten uuth to vorderende Moghen eens op die Schuttenmaet fenien (?) offte nemen daer sy
des best konnen bekomen Eenhondert ende sestich aernhems guldenen gronynger ghelts die sy des jairs uut
der voirscr. maet myt Acht aernhems gulden payments voirscr. moeghen verhantgelden ter tyt to dat sy die
principaell Summa weder betaelt hebben Myt vorworden dat wy myt sampt den borgeren ende kerspilluyden
toe Covorden soe langhe als dese maet voirscr. van den voirscr. gelde nyet gevryet en is Ene waskeersze
soelen holden toe Covorden inder kercken voer sanct Yurgens beelde in allen Mattenen Missen, Vesperen ende
anderen getyden toe bernende, als dat van oldes uuth der pacht der voirscr. maet gewoentlicken is gewest. Oick
en sall die voerscr. maet tot ghenen tyden hogher beswaert wesen dan als voergeruert is. Sonder all argelist
Ende want wij schutten ende wy borgere ende kerspillude voergen. dyt allent voergeruert voer ons ende voer
onse nacomelynghen stede vaste ende onverbroken willen ende loven in gueden truwen toe holdende Soe hebben
wy gebeden Bourgermestere ende Schepenen toe Covorden desen brieff myt der Stadt Seghell voer ons to besegelen
Ende wy bourgermesteren ende Scepenen voergen. omme bede willen deser voergen. Schutten, Bourgeren ende kerspilluyden
van Covorden hebben onsen Stadt Segell beneden an desen brieff gehanghen Gegeven inden jaer unss heren duysent
vyffhondert vierendetwyntich opten Saterdach nae sanct Agneten dach.
x
| Archiv | Drents Archief |
|---|---|
| Bestand | Arch. Coevorden |
| Zugangsnummer | 116 |
| Inventarnr. | 0249 |
| Jahr | 1524 |
| Datumcode | SpAgneti |