| Nummer:coe1112 | Datum:28 sept. 1550 | Überlieferung:Origineel | Fundstelle:Arch. Coevorden, inv.nr. 1112 |
Wij Burgermeister, Schepenen ende Raet indertyt tot Couvoirden bekennen ende betugen
in ende vermits dessen openen besegelden brieve daer voer ons erschenen sijn de Ersamen
ende vromen Johan Pijper ende Harmen ter Poorte met beyde hoer echte huijsfrouwen
Harmen ende Johan ende becanden voir hem ende horen erffgenamen dat sy hadden vercoft
ende vercoften in enen steden vasten erffcoep erfflick, ewelick ende ummermeer
uutderhandt affstaende den Erentfesten ende vromen Reynnolt van Bourmannia
drost indertijt tot Couvorden ende slants van Drenthe Elizabeth synre echten
huijsfrouwen ende horen erffgenamen den Potthoff gelegen onder die klocke van
Couvorden des toe waren ende ten vryen liggende in et Broeck daer ande suijtzyde
angelandet is Johan Schedrich ende voertz int vierkant alset begraven is ende soe groot
ende cleen alset gelegen is voer ene somme van penningen die Johan ende Harmen met
beyde hoere echte huysfrouwen voorscreven becande hoer vanden upgemelten Reynnolt ende
Elizabeth alinck deger vul ende all wall betaelt is die leste penninck mitten eersten
ende bedanckede hoer goeder betalinge waeromme Johan ende Harmen mit hoere
zelfte huijsfrouwen voorscreven van desen voorscreven Potthoff uplatinge ende vertychnisse
gedaen hebben mit handen ende mit munden ende voort mit allen rechten als tot
Couvorden gewoente ende stadtrecht is tot behoeff Reynnolts ende Elizabeth
ende horen erffgenamen Alzoe dat sij horen vryen willen mede doen ende laten mogen
mitten voorscreven Potthoff onbespeert van Johan ende Harmen ende hore echte huysfrouwen
voorscreven ende horen erffgenamen. Ende voert loveden Johan Hermen mit hore echte
huijsfrouwen voorscreven den voorscreven Potthoff te waren ende rechte waerschap te done
voer hoer ende horen erffgenamen ende voert voer alle die gene die daer mit
rechte upspreken mogen. Ende soe hebben wij burgermesteren, Schepenen ende Raet inder
tyt tot Couvorden by consent vande Sworen meente ende gemeene meente vercoft ende vercopen
in eenen steden vasten erffcoep erfflick ewelick ende ummermeer Reynnolt ende Elizabeth
voorscreven ende horen erffgenamen wes inde selve landen off Potthoff gelegen ende int vierkant
begraven mach sin twelcke alle by onsen consente ende wille geschyet is ende de drost vorscreven nou
gebruyct voer ene somme van penningen die wy bekennen ons vanden upgemelter Reynnolt ende Elizabeth
alinck deger vull ende all rent betaelt is den lesten penninck mitten eersten ende bedancken ons goeder
betalinge ende de selve penningen gecamen sin tot nutt ende profyet der straten. Ende hebben Reynnolt ende
Elisabeth voerscreven uplatinge ende vertichnisse daer van gedaen mit handen ende mit munden ende voert mit allen rechten als tot
Covorden gewonte ende stadtrecht is tot behoeff Reynnolts ende Elizabet voorscreven ende horer arffgenamen Ende
voert loeven wy voorscreven dit voorscreven lant toe waren ende rechte waerschap tdone voer ons ende onsen
erffgenamen ende voert voer alle de gene de daer mit rechte upsprecken mogen. Sonder argelist in
oerconde der waerheyt hebben wy Burgemester Scepen ende Raet vorscreven onser stadt segel
beneden aen desen brieff gehangen. Gegeven inden jaer ons heeren duesent viffhondert ende viftich
den XXVIIIen Septembris.
Zegel verloren.
in ende vermits dessen openen besegelden brieve daer voer ons erschenen sijn de Ersamen
ende vromen Johan Pijper ende Harmen ter Poorte met beyde hoer echte huijsfrouwen
Harmen ende Johan ende becanden voir hem ende horen erffgenamen dat sy hadden vercoft
ende vercoften in enen steden vasten erffcoep erfflick, ewelick ende ummermeer
uutderhandt affstaende den Erentfesten ende vromen Reynnolt van Bourmannia
drost indertijt tot Couvorden ende slants van Drenthe Elizabeth synre echten
huijsfrouwen ende horen erffgenamen den Potthoff gelegen onder die klocke van
Couvorden des toe waren ende ten vryen liggende in et Broeck daer ande suijtzyde
angelandet is Johan Schedrich ende voertz int vierkant alset begraven is ende soe groot
ende cleen alset gelegen is voer ene somme van penningen die Johan ende Harmen met
beyde hoere echte huysfrouwen voorscreven becande hoer vanden upgemelten Reynnolt ende
Elizabeth alinck deger vul ende all wall betaelt is die leste penninck mitten eersten
ende bedanckede hoer goeder betalinge waeromme Johan ende Harmen mit hoere
zelfte huijsfrouwen voorscreven van desen voorscreven Potthoff uplatinge ende vertychnisse
gedaen hebben mit handen ende mit munden ende voort mit allen rechten als tot
Couvorden gewoente ende stadtrecht is tot behoeff Reynnolts ende Elizabeth
ende horen erffgenamen Alzoe dat sij horen vryen willen mede doen ende laten mogen
mitten voorscreven Potthoff onbespeert van Johan ende Harmen ende hore echte huysfrouwen
voorscreven ende horen erffgenamen. Ende voert loveden Johan Hermen mit hore echte
huijsfrouwen voorscreven den voorscreven Potthoff te waren ende rechte waerschap te done
voer hoer ende horen erffgenamen ende voert voer alle die gene die daer mit
rechte upspreken mogen. Ende soe hebben wij burgermesteren, Schepenen ende Raet inder
tyt tot Couvorden by consent vande Sworen meente ende gemeene meente vercoft ende vercopen
in eenen steden vasten erffcoep erfflick ewelick ende ummermeer Reynnolt ende Elizabeth
voorscreven ende horen erffgenamen wes inde selve landen off Potthoff gelegen ende int vierkant
begraven mach sin twelcke alle by onsen consente ende wille geschyet is ende de drost vorscreven nou
gebruyct voer ene somme van penningen die wy bekennen ons vanden upgemelter Reynnolt ende Elizabeth
alinck deger vull ende all rent betaelt is den lesten penninck mitten eersten ende bedancken ons goeder
betalinge ende de selve penningen gecamen sin tot nutt ende profyet der straten. Ende hebben Reynnolt ende
Elisabeth voerscreven uplatinge ende vertichnisse daer van gedaen mit handen ende mit munden ende voert mit allen rechten als tot
Covorden gewonte ende stadtrecht is tot behoeff Reynnolts ende Elizabet voorscreven ende horer arffgenamen Ende
voert loeven wy voorscreven dit voorscreven lant toe waren ende rechte waerschap tdone voer ons ende onsen
erffgenamen ende voert voer alle de gene de daer mit rechte upsprecken mogen. Sonder argelist in
oerconde der waerheyt hebben wy Burgemester Scepen ende Raet vorscreven onser stadt segel
beneden aen desen brieff gehangen. Gegeven inden jaer ons heeren duesent viffhondert ende viftich
den XXVIIIen Septembris.
Zegel verloren.
x
| Archiv | Drents Archief |
|---|---|
| Bestand | Arch. Coevorden |
| Zugangsnummer | 116 |
| Inventarnr. | 1112 |
| Jahr | 1550 |
| Datumcode | 2809 |