| Nummer:dik072 | Datum:25 april 1367 | Überlieferung:Origineel | Fundstelle:Arch. Abdij Dikninge, inv.nr. 44, reg. 72 |
Vde zoon van Gherd Hoptaet verkoopt aan de abdij van Dickeninghe Nysinghe-goed te Halen in het kerspel van Beylen en eene rente van 10 mudden rogge uit Oestebringhe-goed te Halen, beide hem bij boedelscheiding aangekomen. Met medebezegeling door jonghe Tyese EgBErTSsone, Henric Pollemans en Roelf Pollemans.
Alien luden, die desen brief solen zien ofte horen lesen, ic, Ude Gherdessone Hoptaets, doe kont ende
kenlic, dat ic voer mi selven ende vor mine gherechte erfnamen vercoft hebbe ende vercope met
desen selven brieve heren Johanne, den abte, ende den ghemenen convente van Dickeninghe Nysinghegoed toe Halen mit alien sinen toebehoren ende met alre slachter not, also als dat gheleghen is in den kerspel van Beylen, ende tien mudde rogghen jaerliker renten, die gheleghen siin over Oestebringhegoed tot Halen, die mi met Nysinghegoede vors. in eenre rechter erfscheydinghe erflic toeghesceyden weren. Ende dit goed ende mudde vorscreven scelde ic vry ende quyt den abt ende den convente vornomt to ghebruken ende to besitten ewelic ende ummermeer als een vry goed sender enigherhande ansprake miins ofte miinre gherechter erfnamen. In orkonde der waerheit so hebbic, Ude vornomt, desen brief beseghelt met minen seghel, ende omme meerre vestensche ende sekerheit so heb ic ghebeden jonghe Tyesen Egberts sone, Henric Pollemans ende Rolve Pollemans desen brief mede to beseghelen met oren seghelen. Ende wi, Tyese, Henric ende Roelf, hebben om beden willen Uden vornomt desen brief beseghelt met onsen seghelen tot enen waren tughe deser dinghe vorscreven. Ghescreven ende ghegheven int jaer ons Heren dusent driehondert zeven ende tsestich op sunte Marcus dach ewangeliste.
kenlic, dat ic voer mi selven ende vor mine gherechte erfnamen vercoft hebbe ende vercope met
desen selven brieve heren Johanne, den abte, ende den ghemenen convente van Dickeninghe Nysinghegoed toe Halen mit alien sinen toebehoren ende met alre slachter not, also als dat gheleghen is in den kerspel van Beylen, ende tien mudde rogghen jaerliker renten, die gheleghen siin over Oestebringhegoed tot Halen, die mi met Nysinghegoede vors. in eenre rechter erfscheydinghe erflic toeghesceyden weren. Ende dit goed ende mudde vorscreven scelde ic vry ende quyt den abt ende den convente vornomt to ghebruken ende to besitten ewelic ende ummermeer als een vry goed sender enigherhande ansprake miins ofte miinre gherechter erfnamen. In orkonde der waerheit so hebbic, Ude vornomt, desen brief beseghelt met minen seghel, ende omme meerre vestensche ende sekerheit so heb ic ghebeden jonghe Tyesen Egberts sone, Henric Pollemans ende Rolve Pollemans desen brief mede to beseghelen met oren seghelen. Ende wi, Tyese, Henric ende Roelf, hebben om beden willen Uden vornomt desen brief beseghelt met onsen seghelen tot enen waren tughe deser dinghe vorscreven. Ghescreven ende ghegheven int jaer ons Heren dusent driehondert zeven ende tsestich op sunte Marcus dach ewangeliste.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 44 |
| Regestnr. | 72 |
| Jahr | 1367 |
| Datumcode | Marci |