Wenemaer van Berspijc verkoopt, in overleg met zijne vrouw Mechtild en hunne dochter Euese, aan de abdij van Dickeninghen eene stede rente van 3 mudden rogge Groninger maat uit het goed te Zuedebringhe in het kerspel van Rune in de marke en de buurschap te Ancen. Met medebezegeling door Reynold van den Cloester, Johan Vos van Steenwijc en Johan Haghene.
Alien luden, die dessen brief sullen sien oft horen lesen, doe ic verstaen, Wenemaer van Berspijc, ende en kennen openbaer in dessen openen brieve, dat ic mit vryen willen ende mit rade Mechtilde, mijns echten wives, Evesen onser dochter ende al onser rechter erfghe-namen vorkoft ende opghelaten hebben, vercopen ende oplaten openbaer in dessen brieve heer Johan den abt ende den ghemenen convent van Dickeninghen drie mudde rogghen Groningher mate jaerliker guide, die wy hadden an steden renten over dat guet to Zuedebringhe, gheleghen in den kerspel van Rune in der merke ende in der buerscap to Ancen, om een summe van ghelde, die ons wittelike ende wael betaelt is in aldusghedanen vorwerden, dat die abt ende dat ghemene convent van Dickenijnghe voerghenoemt desse voerghenomede guide eerflich, ewelijc ende ummermeer besitten ende bruken moghen sender onse wedersegghen, sonder yenigherhande arghelist. In oerkonde ende stedicheit desser dinghe soe hebben wy ghebeden eersamen gueden luden Reynolde van den Cloester, Johan Vos van Steenwic ende Johan Haghene, dat sie dessen openen brief beseghelen willen, want wy selven op dese tijt ghenes seghels en bruken. Ende wy, Reynold van den Cloester, Johan Vos van Steenwijc ende Johan Haghene, hebben om bede wille Wenemaers, Mechtilde ende Evesen voerghenoemd dessen openen brief beseghelt mit onsen seghelen tot enen waren tughe. Ghegheven int jaer ons Heren dusent driehondert ende seventich des anderen daghes na sunte Johans dach to Mitdesomer
