| Nummer:dik082 | Datum:16 sept. 1370 | Überlieferung:Origineel | Fundstelle:Arch. Abdij Dikninge, inv.nr. 72, reg. 82 |
Johan heer van Rune oorkondt, dat Herman heer van Kuenre en Mechtelt e. 1. verkochten voor een edel eigen aan Peter van Blidesteden eene rente van 19 vierendeel boter op Hakeswolde, vroeger getrokken door Boldewiin van der Eze. Met medebezegeling door de verkoopers en Herman van der Eze.
:C: Wi, Johan, heer van Rune, doen kundich alien luden, die desen breef zolen zien of horen lesen,
dat vor ons quamen, daer wi zaten to richte in enen hegheden heymale tot Rune, vor
die bane mit oren vrien willen ende mechtich oers lives Herman, heer van Kuenre, Mechtelt, zien echte wijf, ende Herman van der Eze, hoer gheboerne mombaer, ende lieden in onser teghenwordicheit, dat zie vercoft hebben Peter van Blidensteden ende zinen rechten erfnamen neghentien virendeel boteren, de gheleghen is op Hakeswolde ende men hem betalen zal alle jaer op sente Michiels dach, als men rechte boterpacht pleghet to betalen, in alien manieren, alze ze Boldewiin van der Eze plach to hebben ende to bueren, welcke vorscreven boter wi em waren zolen vor een edel eyghen jaer ende dach vor alle deghene, dies to rechte comen willen, om ene summe van ghelde, de ons witlike ende wal betaelt is. Ende wi schelden deze voernoemde boter vri ende quijt erflike ende ummermeer van eyghendoem ende van alre aensprake, de wi of onse erfnamen op dese vors. boter mit yenighen rechte to spreken hebben. Hier weren over ende aen als koernoeten Aernolt van Almelo, Koep Winickens-zoen, Johan Haghene ende anders vele goeder lude. Quessinghe der zeghele, holinghe des breves ende al arghelist, die men dessen breve to hinder dichten of viinden mach, uutghespraken. In orconde ende westenisse alle desser vorscreven vorwarde, ende want wi willen, dat ze wal van ons ende van onsen erfnamen ghehouden zolen bliven, so hebbe wi, Johan, heer van Rune, als een richter over desse vorscreven vorwarde, ende wi, Herman, heer van Kuenre, Mechtelt, onse echte wijf, ende Herman van der Eze, Mechtelde mombaer vors., onse seghele an desen brief ghehanghen tot enen tughe dier waerheit. Ghegheven int jaer ons Heren dusent drehondert ende tseventich des Manendaghes na des heyleghen Cruces dach gheheten Exaltatio.
dat vor ons quamen, daer wi zaten to richte in enen hegheden heymale tot Rune, vor
die bane mit oren vrien willen ende mechtich oers lives Herman, heer van Kuenre, Mechtelt, zien echte wijf, ende Herman van der Eze, hoer gheboerne mombaer, ende lieden in onser teghenwordicheit, dat zie vercoft hebben Peter van Blidensteden ende zinen rechten erfnamen neghentien virendeel boteren, de gheleghen is op Hakeswolde ende men hem betalen zal alle jaer op sente Michiels dach, als men rechte boterpacht pleghet to betalen, in alien manieren, alze ze Boldewiin van der Eze plach to hebben ende to bueren, welcke vorscreven boter wi em waren zolen vor een edel eyghen jaer ende dach vor alle deghene, dies to rechte comen willen, om ene summe van ghelde, de ons witlike ende wal betaelt is. Ende wi schelden deze voernoemde boter vri ende quijt erflike ende ummermeer van eyghendoem ende van alre aensprake, de wi of onse erfnamen op dese vors. boter mit yenighen rechte to spreken hebben. Hier weren over ende aen als koernoeten Aernolt van Almelo, Koep Winickens-zoen, Johan Haghene ende anders vele goeder lude. Quessinghe der zeghele, holinghe des breves ende al arghelist, die men dessen breve to hinder dichten of viinden mach, uutghespraken. In orconde ende westenisse alle desser vorscreven vorwarde, ende want wi willen, dat ze wal van ons ende van onsen erfnamen ghehouden zolen bliven, so hebbe wi, Johan, heer van Rune, als een richter over desse vorscreven vorwarde, ende wi, Herman, heer van Kuenre, Mechtelt, onse echte wijf, ende Herman van der Eze, Mechtelde mombaer vors., onse seghele an desen brief ghehanghen tot enen tughe dier waerheit. Ghegheven int jaer ons Heren dusent drehondert ende tseventich des Manendaghes na des heyleghen Cruces dach gheheten Exaltatio.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 72 |
| Regestnr. | 82 |
| Jahr | 1370 |
| Datumcode | LpExaCru |