| Nummer:dik084 | Datum:5 juni 1371 | Überlieferung:Afschrift | Fundstelle:Arch. Abdij Dikninge, inv.nr. 1, fol. 18r, reg. 84 |
Reynolt van den Cloester draagt, met toestemming van zijne vrouw Margrete en hunne kinderen Johan en Cyso, over aan de abdij van Dickenijnghen eene rente van l emmer boter uit hun goed genaamd in den Broke, in de marke van der Hauehorst, in het kerspel van Blidensteden.
Alien luden, die dessen brief sullen sien ofte horen lesen, doe ic verstaen, Reynolt van den Cloester, ende enkenne openbaer mit dessen openen brieve, dat ic mijt vryen willen mijns selves ende mit rade ende consent Margreten, mines echten wives, Johans ende Cysen onser kindere ende alle onser rechter erfghenamen vercoft hebben ende vercopen mit dessen openen brieve den abt ende den ghemenen convente van Dickenijnghen enen emmer boteren jaerliker renten over onse alinghe guet, dat gheheten is in den Broke, gheleghen in der marke van der Havehorst in den kerspele van Blidensteden, dat wandaghes Jonghen Aelbertes was, um ene summe van ghelde, die ons wittelike ende wal betaelt is. Ende wy, Reynold van den Cloester, Margarete, Johan ende Cyso voers., hebben upghelaten ende uplaten mit desen openen brieve den abt ende den convente voers. dessen emmer boter voers. erflijc ende ewelic ende ummer-meer vry to besitten ende ewelike to bruken, jaerlix tusschen Pinxsteren ende sente Michaele op te boren to Drenteschen lantrechte, sender enigherhande wedersegghen unser ende al onser rechter erfghenamen. Al arghelist uytgesproken. In eyner vaster waerheit desser voers. vorwar-den soe heb ic, Reynold van den Cloester, minen seghel an dessen brief ghehanghen voer my selven, voer Margareten, mijn echte wijf, voer Johan ende Cysen, onse kindere ende alle onse rechte erfghenamen. Ende wy, Margrete, Johan ende Cyse voers., ghelyen aller desser voers. vorwarden under seghele Reynoldes van den Cloester voerghenoemt. Ghegheven int jaer ons Heren dusent driehondert eyn ende seventich up sente Bonifacius dach a).
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 1 |
| Fol. Nr. | fol. 18r |
| Regestnr. | 84 |
| Jahr | 1371 |
| Datumcode | Bonifa |