Johan heer van Runen, ridder, draagt over aan de abdij van Dickenynghe zijn tienden over haren akker dat Hoghe Want, gekomen uit het goed Bettijnghe te Pette.

[in margine: Pette] Wij, Johan here van Runen, ridder, doen kundich allen luden die dessen brief
solen sien ofte horen lesen dat wij vercoft ende upghelaten hebben, vercopen ende
uplaten apenbaer mit dessen selven brieve, den abte ende den ghemenen convente
van Dickenynghe alsulken tyenden als wij hadden over oren acker, die ghehe-
ten is dat Hoghe, want die van oeldes ghecomen is uyten guede tot Bettinghe
toe Pette, um ene summe van ghelde die uns ende onsen erfg. wittelike ende
wal bitaelt is, welken voerscr, tenden wij quijt hebben gheschulden ende
erflike quijt schelden den abte ende den convente voers. ewelike ende um-
mermeer vrij to besitten ende to ghebruken sonder wedersegghen unser
ende al unser rechter erfg.. Al arghelist uytghesproken. In kennisse der wa-
erheit, soe hebbe wij dessen brief beseghelt mit onsen seghele voer ons selven
ende voer al unse rechte erfg. Ghegheven in 't jaer ons Heren m^o ccc^o twee-
endeseventich, des donredaghes na Sente Vitusdach.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 44v
Regestnr.	88
Jahr	1372
Datumcode	JpViti

x

x

Material	perkament

x

Editionen	O0603