Coep Wynekens schulte te Hasselt oorkondt, dat Ludicken Scutte, burger te Zwolle, zijne vrouw Mechtilt en hunne dochter Gheehtruud overdroegen aan de abdij van Dickenijnghen eene rente van l emmer boter uit het goed van Wolter en Heyne ter Nederlanchorst.

a) Allen luden, die dessen brief solen sien oft horen lesen, doe ie verstaen, Coep Wynekens, schulte to Hasselt, ende betughe openbaer mit dessen openen brieve, dat voer my sin ghecomen in enen ghehegheden heymale Ludicken Scutte, burgher to Zwolle, Mechtilt, sijn echte wijf, ende Gheertruud, oer dochter, ende hebben mit oren vryen willen ende mit rade oere erfghenamen erflike upghelaten den abt ende den ghemenen convente van Dickenijnghen een emmer boteren erfliker gulde, die sie hadden over Wolters ende Heynen alinghe gued ter NederlanchorstJ) in sulcken manyren, dat die abt ende dat convente voers. desse voers. botergulde erflike ende ummermeer bruken ende besitten moghen sonder arghelist. Hier hebben over ende an ghewesen als guede koernoten Gheert Gheltes, Johan Goswijns, Heyne Raeven ende Rolof die rademaker ende anders gueder lude ghenoech. In kennisse der waerheit heb ie dessen breef beseghelt mit minen zeghele tot enen waren tughe. Ghegheven int jaer ons Heren dusent drehondert drie ende seventich des Sondaghes na des hilighen Sacraments dach.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 36r
Regestnr.	91
Jahr	1373
Datumcode	DpSacram

x

x

Material	perkament

x

Editionen	O0611