gheert to der hofstede draagt, in overleg met zijne vrouw alijt, over aan de abdij te Dickenijnghe eene rente van l vierendeel boter uit de helft van het Westerlant to der Hofstede, in het kerspel van de Ywehorst, onverdeeld behoorend aan hem en zijne kinderen; met bepaling dat na scheiding de rente zal blijven rusten op zijn aandeel.

Ic, Gheert to der Hofstede, doe kundich ende kenlic alien luden in dessen openen brieve + dat ic mijt mynen vryen willen ende mijt gueden berade ende consente Alyde, mijns echten wives, hebbe vercoft ende opghelaten erfliken ende eweliken in enen staden vasten erfkope voer my, voer Alyde, mijn echte wijf, ende voer al mine rechte erfghenamen den abbate, der priorinnen ende den ghemenen convente van Dickenijnghe een vierdeel boteren jaerlix over die helfte van den westerlande to der Hofstede, dat gheleghen is in den kerspel van der Ywehorst ende dat beleghet is an die oestzijt mijt des cloesters van Dickenijnghe voerscreven ende mit Metten guet to der Hofstede ende an die westzijt mit Willems guet to der Lanchorst, omme ene summe gheldes, die my ende Alyde, minen echten wive, ende minen rechten erfghenamen witteliken ende wal bitaelt is van den abt, priorinnen ende den ghemenen convente van Dickenijnghe voerscreven, welc lant voerscreven ic nu ter tijt ghemene hebbe mit minen kinderen. Ende als ic dat lant voers. scheyde mit mynen kinderen, soe sal dat vierdeel boteren voers. erflike bliven ligghede over mijn deel van den voerscreven lande. Ende desse voers. boter sal men jaerlix commerloes bitalen des Sonnendaghes na sancte Michiele to Dickenijnghe in den kelre. Ende ic, Gheert voerscreven, love den abt, priorinnen ende den ghemenen convente van Dickenijnghe voerscreven dat vierdeel boteren te waren vry, ledich ende loes voer my, voer Alyde, mijn echte wijf, ende voer al mine rechte erfghenamen ende voer al die-ghene, die des to rechte comen willen, als ic dat mijt rechte schuldich bin te waren. Al
arghelist uutghesproken, die dessen brief hinderen of schaden rnoghen. Hier waren over ende an als tugheslude Willem ter Lanchorst, Evert ter Lanchorst, broder Clawes, broder Helpric, broder Henric, broder Heyne ende anders guede (lude) ghenoech. Ende want ic, Gheert voerscreven, wil, dat dese coep vast ende stede blive, soe heb ic in een tuych der waerheit niijn seghel an dessen brief ghehanghen voer my, voer Alyde, mijn echte wijf, ende voer al mine rechte erfghenamen. Ghegheven in den jaer ons Heren dusent vierhondert ende een des Saterdaghes na onser Vrouwendach, in den latine gheheten Concepcio.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 39r
Regestnr.	141
Jahr	1401
Datumcode	SpConMar

x

x

Material	perkament

x

Editionen	O1099