| Nummer:dik142 | Datum:11 aug. 1402 | Überlieferung:Origineel | Fundstelle:Arch. Abdij Dikninge, inv.nr. 185, reg. 142 |
wolter morriaen schulte in het kerspel van Wenpervene oorkondt, dat broeder helpric en broeder henric, kelrewerde des kloosters te Dickenynghe, met goedvinden van abt en convent in erfpacht gaven aan harbert habben en stine e.l. 9 roeden land in het kerspei te Wenpervene genaamd Tettenlant, tegen 24 oude Vlaamsche grooten en l vierendeel boter per jaar. Met verschillende bedingen en medebezegeling door den abt.
Ic, Wolter Morriaen, in der tijt een ghesworen schulte mijns heren van Utrecht in den kerspel van Wenpervene, doe kundich ende
kenlic allen luden in desen openen brieve, dat
voer my ghecomen sin broder Helpric ende broder Henric, in der tijt kelrewerde
des cloesters to Dickenynghe, ende bekanden voer my, dat sie myt consente ende mit hete des abts ende des ghemenen convents van Dickenynghe voerscreven voerpacht hadden ende vorpachten erfliken ende eweliken Harbert Habben ende Stinen, sinen echten wive, ende horen rechten erfghenamen neghen rode landes, die gheleghen sin in den kerspel to Wenpervene ende nu ter tijt gheheten is Tettenlant, mit al sinen tobehoer als dat gheleghen is, jaerlix voer vier ende twintich oelde vlemesche grote ende voer een vierdeel boter. Ende dat voerscreven lant is ghepaelt an die oestzijt mit der kerken lant to Wenpervene ende an die westzyt mit Nanne Everdes lant. Ende Harbert ende Stine voerscreven bekanden voer my, dat dese voerscreven pacht erfliken mede ligghen solde over vijftehalve rode landes, die nu ter tijt oers selves sin ende gheleghen sin an den neghen roden landes voerscreven, ende ghepaelt sin mit der kerken lant ende myt Nanne Everdes lant, als voerscreven is. Ende oec so bekanden Harbert ende Stine voer my, dat sie dese voerscreven pacht jaerlix commerloes bitalen solden op sancte Michielsdach ofte binnen achte daerna onversumet to Dickenynghe in den kelre. Ende weert sake dat Harbert ende Stine voerscreven ofte oere erfghenamen dese voerscreven pacht niet en bitaelden als voerscreven is, soe mach dat convent van Dickenynghe voerscreven ofte yemant van oerre weghen die pacht voerscreven versoken op dat alinghe lant voerscreven als een lantrecht is. Al arghelist hierin uutghesproken. Ende want wy, Arnt, in der tijt abt des cloesters to Dickenynghe voerscreven, willen dat dese vorwarde ende pacht stede ende vast bliven sullen, die broder Helpric ende broder Henric, in der tijt onse kelrewerde, van onser weghen ghedaen hebben, soe hebbe wy voer ons ende voer onse ghemene convente onse seghel an desen brief ghehanghen. Ende want wy, Harbert ende Stine voerscreven, gheenre zeghele en ghebruken, soe hebbe wy ghebeden ende bidde[n enen] eersamen man Wolter Morriaen, dat hie desen brief wille biseghelen over ons ende over onse erfghenamen. En[de ic], Wolter Morriaen voerscreven, hebbe om bede willen Harberts ende Stinen voerscreven in een tuych der waerheyt mijn zeghel an desen brief ghehanghen. Ghegheven in den jaer ons Heren dusent vierhondert ende twee op sancte Tyburciusdach .
kenlic allen luden in desen openen brieve, dat
voer my ghecomen sin broder Helpric ende broder Henric, in der tijt kelrewerde
des cloesters to Dickenynghe, ende bekanden voer my, dat sie myt consente ende mit hete des abts ende des ghemenen convents van Dickenynghe voerscreven voerpacht hadden ende vorpachten erfliken ende eweliken Harbert Habben ende Stinen, sinen echten wive, ende horen rechten erfghenamen neghen rode landes, die gheleghen sin in den kerspel to Wenpervene ende nu ter tijt gheheten is Tettenlant, mit al sinen tobehoer als dat gheleghen is, jaerlix voer vier ende twintich oelde vlemesche grote ende voer een vierdeel boter. Ende dat voerscreven lant is ghepaelt an die oestzijt mit der kerken lant to Wenpervene ende an die westzyt mit Nanne Everdes lant. Ende Harbert ende Stine voerscreven bekanden voer my, dat dese voerscreven pacht erfliken mede ligghen solde over vijftehalve rode landes, die nu ter tijt oers selves sin ende gheleghen sin an den neghen roden landes voerscreven, ende ghepaelt sin mit der kerken lant ende myt Nanne Everdes lant, als voerscreven is. Ende oec so bekanden Harbert ende Stine voer my, dat sie dese voerscreven pacht jaerlix commerloes bitalen solden op sancte Michielsdach ofte binnen achte daerna onversumet to Dickenynghe in den kelre. Ende weert sake dat Harbert ende Stine voerscreven ofte oere erfghenamen dese voerscreven pacht niet en bitaelden als voerscreven is, soe mach dat convent van Dickenynghe voerscreven ofte yemant van oerre weghen die pacht voerscreven versoken op dat alinghe lant voerscreven als een lantrecht is. Al arghelist hierin uutghesproken. Ende want wy, Arnt, in der tijt abt des cloesters to Dickenynghe voerscreven, willen dat dese vorwarde ende pacht stede ende vast bliven sullen, die broder Helpric ende broder Henric, in der tijt onse kelrewerde, van onser weghen ghedaen hebben, soe hebbe wy voer ons ende voer onse ghemene convente onse seghel an desen brief ghehanghen. Ende want wy, Harbert ende Stine voerscreven, gheenre zeghele en ghebruken, soe hebbe wy ghebeden ende bidde[n enen] eersamen man Wolter Morriaen, dat hie desen brief wille biseghelen over ons ende over onse erfghenamen. En[de ic], Wolter Morriaen voerscreven, hebbe om bede willen Harberts ende Stinen voerscreven in een tuych der waerheyt mijn zeghel an desen brief ghehanghen. Ghegheven in den jaer ons Heren dusent vierhondert ende twee op sancte Tyburciusdach .
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 185 |
| Regestnr. | 142 |
| Jahr | 1402 |
| Datumcode | Tiburt |