Johan Hyddyng, conventuaal te Dyckenynge en kerkheer te Blydensteden belooft aan de kerspellieden aldaar, bij zich in de weem een priester te zullen aanstellen ten behoeve van het priesterlijk werk in de kerk; onder bepaling: 1^o. dat de kerkheer voor kost en loon van den priester het genot zal hebben van de (genoemde) inkomsten der St. Katherine-vicarie in de kerk te Blydensteden; - 2^o. dat voor de gevers dier inkomsten een mis zal worden gevierd op de 4 hoogtijden, alle O. L. V.-, alle Apostel-, alle Zondagen en alle dagen als een olt dode daer is in der kercken vorser. Met vermelding der goedkeuring door Henric van Dwinglo, abt en de cloesterlude te Dyckeninge, en door Heyne Beenens, Johan Ludens, Johan Hemminge, Andrees Hughens, Peter Votes, Cleys Godikens, Siwert Nezens en Herman Hennikens, als verwaerres des altaers ende vaghede der kercken, en de gemeene kerspellieden. Met medebezegeling door genoemden abt en het convent van Dickeninge en door Martyn Bisscoping priester en Johan Wolters, kerkheeren te Dwinglo en te Kukanghen, en Johan Wordinge, vicaris te Dwinglo.

Wij Johan Hydding, conventuael to Dyckenynge, kercheer der kercken to Blijdensteden, doen kundich allen luden dat wi vor ons ende al onsen nacomen kercheren der kerken
vorscreven om die hoghe salicheit ende den dienst Godes to verbeteren ende oec om nutte ende orbar onsen kerspeluden ende al oren nacomen des kerspels to Blidensteden vorscr. hem hebben gheloeft ende
loven mit ons in de wedeme to holden tot eweighen daghe enen onghenoemden preester die ons ende onsen nacomen kercheren der kercken vorscr. preesterlijc werc, hulpe ende dienst in der kercken
ende den kerspelluden vorsc. bij onsen rade ende consent doen sal, als 't preesters tobehoert. Sunder arghers. Weer 't sake dat wi oft onsen nacomen kercheren vorscr. enen preester in den dienst vorscr. hadden die
der hilligher kercken ons oft den kerspeluden vorscr. in preesterliken saken nyet hoersam, onderdanich, orbar oft nutte en ware oft die ons nyet en ghenoghede to holden in den dienst vorscr. den solen
wi ende al onse nacomen kercheren der kercken vorscr. van ons ende van der kercken dienst ... setten ofte verlaten ende enen anderen onghenoemden preester vorscr. weder annemen ende voert
tot allen tijden den selven preester oft enen anderen annemen oft weder of setten mit ons in de wedeme ende to den dienst vorscr. ho vake dat ons ende onsen nacomen kercheren vorscr. ghenoghet ende
orbar duncket wesen. Sunder argelist. Mer wi ende onse nacomen kercheren vorscr. vor die cost ende loen des preesters vorscr. solen weder hebben tot ewighen daghen jaerlijx ... upboren ende
scadeloes ghebruken ghelijc onse wedeme ... renthe ende onsen preesterliker provende al dat guedt ende renthen als 't van gueden lueden om salicheit orer sielen tot sancte Katherinen altaer in
onser kercken vorscr. ghegheven hebben mit al sinen tobehoren waer 't gheleghen is ende dat men daer noch to gheven sal. Wellyc gued ende renthe vorscr. hierna ghenomet staen. In 't eerste
in de Ketelsweere gheleghen an die westerzijt bi Johan Wolters. Item die Brandeweere. Item twe ende halve rode landes bi der Boechsteghen gheleghen tusschen Hemminges lande. Item dree rode landes die
Claes Kyperdes gaf vor neghentyen olde ghelresche guldene die hi to den altaer vorscr. schuldich was, gheleghen an die oestersijt Claes Kyperdes weere vorscr. Item dree lande to voren wolde die
Herman Polmans ende Symon, sijn broder, gheven. Item over dree roede landes in de Kale buerscap die Johan Sywert Jabbens zoen behoert jaerlix een mudde rogghen dat Andrees Hughens gaf van
sijner moyen weghen vor anderhalven gulden jaerlix. Item up die Oesterhucht over Johan Baukens weere die to voren Johan van Ansen placht to horen, jaerlix een mudde rogghen. Item in der Ru...
buerscap uut Johan Baukens ... ende over dat halve huus ende den halven hof jaerlix twee mudde rogghen. Item in den oesteren eynde over Henke Bussches weere, beyde over huus, hof ende al dat lant
jaerlix twee mudde rogghen. Item over Stellinges weere een half mudde rogghen. Item op Wederwillen Enghelbert ...perdes weere over die oestersijt bi Kukanghen jaerlix sess schepel, half
rogghe ende half co... Deventer mate van den mudden vorscr. Ende voert al sullyk verschenen achter pacht de men noch belegghen sal in renthe to den altaer vorscr. Sunder arghelist
behoerlic elken pachtheren sijne pacht jaerlix over dit erve ende lant vorscr., mer dat sint ... dat ons ende al onse nacomen kercheren vorscr. solen vor al die genen die dit gued vorscr. to den
... vorscr. ghegheven hebben ende noch daer to gheven willen. Up die vier hoechtijde al Onser Leven Vrouwen, al apostelen, al sonendagen ende ... alle daghe als ... is in der kercken vorscr. ...
... vorscr. truwelijc bes... ende holden ere ... of ... anderen tijden als 't Onse Leve Heer van siner ghenade henghet. Alle noetsaken ende arghelist uutghesproken. In kennysse der waerheit hebben
m... Johan Hydding kercheer vor ons ende onsen nacomen kercheren vorscr. onse seghel an dezen breef ghehanghen ende om die meere vestenysse wyllen hebben wi ghebeden den eerbaren vader
in Gode heren Henric van Dwingel, abt ende onse cloesterlude to Dyckeninge dat sie ... consent ende willen tot dezen saken vorscr. gheven ende deze breef to ... vor ons beseghelen Henric...
b... onthengenysse Godes abt ende unse cloesterlude to Dickeninge vorscr. bekennen dat wi alle... saken die tot der eer ende denst Godes ende salicheit allen luden behoren schuldich synt na onser
pacht to starken ende to verbeteren ende her Johan, onse conventuael, kercheer unser kercken vorscr. tot der eer Godes ende den nutte ende orbar onsen kerspeluden ende aren nacomen vorscr. redelijc ende
betemelic alle puncten vorscr. gheset ende anghenomen heft, so gheven wi onsen willen ende consent tot allen puncten vorscr. ende loven der kerspeluden ende aren nacomen vorscr. al deze vorscreven
puncten stede vast ende onghebroken van ons ende onsen nacomen to bliven, beholdent der hilligher kercken onsen cloester den kercheren ende al sinen nacomen kercheren der kerken vorscr.
enen oerkunde hebben wi om bede her Johans vorscr. onse seghele to voren ende vor hem an ... dezen br... doen hanghen. Ende wi Heyne Beenens, Johan ..., Johan ...ng, Andr... Hughens
... Cleys Godikens, Siwert Nezens ende Herman Hennikens, verwaerres des altaers ende vaghede der kercken vorscr. ende ... onse ghemene kerspelude des kerspels to Blidensteden
vorscr. bekennen dat al deze puncten ende saken vorscr. wara..ch si... ende mit onsen willen ... Ende loven her Johanne, onsen kercheren ende al sinen nacomen kercheren der kerken vorscr.
deze vorscr. vorwarden vor ons ende onsen nacomen ons kerspels vorscr. vollenkomeliken tot ewighen daghen to holden. Sunder arghelist. Ende want wi selven gheen seghelen en gebruken
So hebbe wi tosamen ghebeden van onser kerspelude weghen vor ... eerbaere heren ende preesters heren ... Johan Wolters kercheren to Dwingh... ende
...nghen ende heren Johan Wordinge, vicarius to Dwinglo vorscr. dat sie vor ons ende onse kerspelude ende al onse nacomen vorscr. dezen breef mit den eerbaren abt ... cloesterlude
... Johan, kercheren vorscr. beseghelt. Wij Martyn, Johan ende Johan, preesters, kercheren ende vicarius vorscr. om beden willen Heynen, Johans, Johans, Andree, Peters, Cleys, Sywerdes ende
... verwaerer ... der kercken ... ker... to Blijdensteden vorscr. hebben wi onse seghele to samen an dezen breef ghehanghen in een tuych der waerheit. Ghe-
geven den jaer ons ... dusent vierhondert ende neghentyen, des sonendaghes na sancte Peters dach ad Vincula.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	223
Regestnr.	217
Jahr	1419
Datumcode	DpVinPet

x

x

Material	perkament

x

Kommentar	Met zeer geschonden zegels van het convent en van J. wordinge en fragmenten van de rugzijden der zegels van den abt en J. H. in groene was. De zegels van M. B. en J. wolters zijn verloren.