| Nummer:dik306 | Datum:18 okt. 1473 | Überlieferung:Origineel | Fundstelle:Arch. Abdij Dikninge, inv.nr. 159, reg. 306 |
berent ther maeth kerkheer te Deueren en deken van't land van Drenthe, mr. johan gheye kerkheer te Hasselt en johan boelmans bepalen -, als scheidsrechters tusschen de abdij te Dyckeninghe en johan oving: dat over de achterstallige stede mudden niet verder gesproken zal worden; dat de abdij zal blijven gebruiken en johan zal vrijwaren al het goed dat gescheiden is van zijne bezittingen; dat de abdij niet zal genieten eene rente van 14 maar eene van 5 Groninger mudden rogge uit J.'s erf Broextinghe-guet, bij hem zelf in gebruik, welke J. zal vrijwaren; waarna J. O. aan de abdij het bewuste goed en de rente overdraagt voor buren van Runen. Met goedkeuring dezer overdracht en medebezegeling door de leenvrouwe joffer johanna vrouw te Runen, haren voogd en man roeloff van den laer heer te Runen knape, henrick van munster en johan oving.
Wij Berent ther Maeth, kerckheer toe Deveren, deken des landes van Drenthe, meister Johan Gheye, kerckheer toe Hasselt, Johan Boelmans doen kont ende kondich alle die dessen
brieff syen off hoeren lesen, dat wij ghededinghet hebben tuschen den eirberen heren heer Henrick van Wyckroede, abt van Dyckeninghe ende dat ghemene convent van Dickeninge
an die ene sijd ende Johan Oving an die ander sijd als dedingheslude ende moetsoenslude een mynnentlijck scheyt ghemaket, ghededinghet ende ghescheiden hebben, dair sye ons toe
ghekoeren hebben an beyden t'sijden. Ten eersten segghen wij dat alle schelinghe ende ghebreke doet wesen sullen die sye hebben van alle achterstallighe mudden dair die abt
ende dat convent voirghesproken hebben unde oick alsoedaen acker ende maden, erve unde guet, hoech unde leghe als dat convent ghebruket hebben up dach datum 's brieffs van Johan Oving
dat sij ghesplettet van wat guede, dattet sij leen oft eyghen, dat sullen dat convent holden ende ghebrueken erfflike unde ewelike ende ommermeer onbespraken van hem off van sijnen
erffg. ende dat sal he hem hueden ende waeren unde vesten, dat sije dair mede bewaert synt, ende soe hebben sije oick ghebreke van een deel erffliker mudde dair de abt ende dat convent
off hebben enen brieff holdende van viertyn Groningher mudde rogghen uut broextinghe guet ende erve dat Johan voirs. nu ter tijt brukene is ende van sijnen vader angheervet is, myt
hoech unde leghe, hoe dat gheleghen is. Soe segghen wij drye voirs. de viertyn mudde rogghen voirs. ledich, loes ende qwijt beholdelick den abt ende dat convent voirs. vijff Groninger
mudde rogghen uut dat voirs. erve, gheheten Broextinghe guet, als dat gheleghen is, die Johan Oving nu ter tijt brukende is, jaerlix toe betalen, als men stede mudde pleghet unde
schuldich is toe betaelen, sonder wedersegghen hem off sijnre erffg., ende sullen die voirs. mudde den abt ende dat convent hueden unde waeren erfflick ende ewelick ende ommermeer voir
alle deghene die dairop spreken mochten hoe dycke ende woe vake hem des noet is. Ende weer 't sake dattet convent dair enighen schaden bij hebben, die sal ick Johan voirs. off
mijn erffg. richten ende betalen, sonder wedersegghen. Ende want wij drye voirs. dit ghededinghet ende eenpaerliken uutghespraken ende ghevolghet hebben an beyden tsijden ende
ick Johan Oving belie ende beleve desse uutsprake als voirs. is, soe heb ick voir mij ende voir al mijn erffg. die voirs. acker unde made, hoe dat sije gheleghen synt ende die vijff mudde
rogghen qwijtgheschulden ende den abt van Dickeninghe ende dat convent den stock gheleghet als lantrecht is, voir den bueren van Runen. Dair mede averghegheven den abt
ende dat convent voirs. die acker unde made ende mudde voirs. erfflike ende tot ewighen daghen toe bruken ende toe besitten jaerlix in te manen up te boeren uut mijnen erve ende guede, gheheten Broextinghe, sonder ansprake unde wedersegghen van mij offte mijnen erffg. Hyr weren aver ende an als bueren Roeloff van Laer, heer tot Runen, Gheert van
Yselmueden, Egbert Otten ende meer gueder lude ghenoech. Want dit aldus geschien is, soe hebben wij drye voirs. als Berent ther Maeth, kerckheer toe Deveren, deken 's landes
van Drenthe, meister Johan Gheye, kerckheer toe Hasselt, Johan Boelmans omme bede wyllen Johan Ovinghes beneden onse seghele an dessen brieff ghehanghen. Ende want dit voirs.
guet een leenguet is ende gheet van der heerschappe van Runen toe lene, soe heb ick joffer Johanna, vrou to Runen, dit belenet als een leenvrou ende mijn seghel an dessen brieff
ghehanghen. Ende ick Roeloff van den Laer, heer toe Runen, knaepe, als een mumbaer joffer Johanne voirs. mijns echten wijves mijn seghel an dessen brieff ghehanghen om bede
wyllen Johan Ovinghes voirs. Ende ick Henrick van Munster dit mede consentere ende belene, soe heb ick om bede wyllen Johan Ovinge voirs. mijn seghel an dessen brieff ghehanghen.
Ende want ick wyl dat desse brieff stede unde vast ende onverbrecklick blijven sal, soe heb ick Johan Oving mijn seghel mede an dessen brieff ghehanghen. Ghegheven in 't jair
onss Heren dusent vierhundert dryeendetseventich, op sancte Lucas dach evangelista.
brieff syen off hoeren lesen, dat wij ghededinghet hebben tuschen den eirberen heren heer Henrick van Wyckroede, abt van Dyckeninghe ende dat ghemene convent van Dickeninge
an die ene sijd ende Johan Oving an die ander sijd als dedingheslude ende moetsoenslude een mynnentlijck scheyt ghemaket, ghededinghet ende ghescheiden hebben, dair sye ons toe
ghekoeren hebben an beyden t'sijden. Ten eersten segghen wij dat alle schelinghe ende ghebreke doet wesen sullen die sye hebben van alle achterstallighe mudden dair die abt
ende dat convent voirghesproken hebben unde oick alsoedaen acker ende maden, erve unde guet, hoech unde leghe als dat convent ghebruket hebben up dach datum 's brieffs van Johan Oving
dat sij ghesplettet van wat guede, dattet sij leen oft eyghen, dat sullen dat convent holden ende ghebrueken erfflike unde ewelike ende ommermeer onbespraken van hem off van sijnen
erffg. ende dat sal he hem hueden ende waeren unde vesten, dat sije dair mede bewaert synt, ende soe hebben sije oick ghebreke van een deel erffliker mudde dair de abt ende dat convent
off hebben enen brieff holdende van viertyn Groningher mudde rogghen uut broextinghe guet ende erve dat Johan voirs. nu ter tijt brukene is ende van sijnen vader angheervet is, myt
hoech unde leghe, hoe dat gheleghen is. Soe segghen wij drye voirs. de viertyn mudde rogghen voirs. ledich, loes ende qwijt beholdelick den abt ende dat convent voirs. vijff Groninger
mudde rogghen uut dat voirs. erve, gheheten Broextinghe guet, als dat gheleghen is, die Johan Oving nu ter tijt brukende is, jaerlix toe betalen, als men stede mudde pleghet unde
schuldich is toe betaelen, sonder wedersegghen hem off sijnre erffg., ende sullen die voirs. mudde den abt ende dat convent hueden unde waeren erfflick ende ewelick ende ommermeer voir
alle deghene die dairop spreken mochten hoe dycke ende woe vake hem des noet is. Ende weer 't sake dattet convent dair enighen schaden bij hebben, die sal ick Johan voirs. off
mijn erffg. richten ende betalen, sonder wedersegghen. Ende want wij drye voirs. dit ghededinghet ende eenpaerliken uutghespraken ende ghevolghet hebben an beyden tsijden ende
ick Johan Oving belie ende beleve desse uutsprake als voirs. is, soe heb ick voir mij ende voir al mijn erffg. die voirs. acker unde made, hoe dat sije gheleghen synt ende die vijff mudde
rogghen qwijtgheschulden ende den abt van Dickeninghe ende dat convent den stock gheleghet als lantrecht is, voir den bueren van Runen. Dair mede averghegheven den abt
ende dat convent voirs. die acker unde made ende mudde voirs. erfflike ende tot ewighen daghen toe bruken ende toe besitten jaerlix in te manen up te boeren uut mijnen erve ende guede, gheheten Broextinghe, sonder ansprake unde wedersegghen van mij offte mijnen erffg. Hyr weren aver ende an als bueren Roeloff van Laer, heer tot Runen, Gheert van
Yselmueden, Egbert Otten ende meer gueder lude ghenoech. Want dit aldus geschien is, soe hebben wij drye voirs. als Berent ther Maeth, kerckheer toe Deveren, deken 's landes
van Drenthe, meister Johan Gheye, kerckheer toe Hasselt, Johan Boelmans omme bede wyllen Johan Ovinghes beneden onse seghele an dessen brieff ghehanghen. Ende want dit voirs.
guet een leenguet is ende gheet van der heerschappe van Runen toe lene, soe heb ick joffer Johanna, vrou to Runen, dit belenet als een leenvrou ende mijn seghel an dessen brieff
ghehanghen. Ende ick Roeloff van den Laer, heer toe Runen, knaepe, als een mumbaer joffer Johanne voirs. mijns echten wijves mijn seghel an dessen brieff ghehanghen om bede
wyllen Johan Ovinghes voirs. Ende ick Henrick van Munster dit mede consentere ende belene, soe heb ick om bede wyllen Johan Ovinge voirs. mijn seghel an dessen brieff ghehanghen.
Ende want ick wyl dat desse brieff stede unde vast ende onverbrecklick blijven sal, soe heb ick Johan Oving mijn seghel mede an dessen brieff ghehanghen. Ghegheven in 't jair
onss Heren dusent vierhundert dryeendetseventich, op sancte Lucas dach evangelista.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 159 |
| Regestnr. | 306 |
| Jahr | 1473 |