| Nummer:fae113 | Datum:1 juni 1507 | Überlieferung:Origineel | Fundstelle:F.A. Van Ewsum, inv.nr. 0057, reg. 113 |
In den name godes amen. In den jaren ons heren dusent vyffhondert unde soven den eersten dach in junio is beramet ghededinget unde besloten tor eeren godes eyn hylick ende hylix vor-
worden tusschen den Erbaren duchtighen vromen vesten joncher Redloff van Ewssumma to Myddelstum hovetlinck etc. unde der woilduchtigher unde vromer juncfrowen Lutthye Harinxma
joncfrow to Sneeck etc. In maneren punten unde articulen hyr nabescreven. In den eersten soe sal joncher Redloff voirscr. hebben unde medebrengen alsoedaene guderen he nu tot tyt heft
hem anghstorven unde angheervet van synen vader saligher ghedachtnissen unde anders unde em noch ansterven unde erven moghen woe oft woet de heer mochten komen. Hyr enteghens
sal de woilduchtighe juncfrow Lutthye voirscr. oick hebben unde inbrengen In den eersten alsoedaenen guder hoer nu tot tijt angheervet und anghestorven sijn van haren vader saligher ghedacht-
nis Soe dat Auske Lutthye hoer dochter sal rumen unde laten volghen alle hoer vaders husen unde heerlicheiden landt sandt unde renthen soe als salighe Bocka Harinxma de plach to
bruken hoer anghestorven unde angheervet als voirscr. is off an sterven unde an erven moghen van iemande woe off waer de heer mochten komen sonder enygherhande wederseggen hoers
ofte iemante van hoirre weghen. Beholdelick dat juncffer Anske sal voer uut holden van salighe Bocko Harinxma renthen vijftich golden gulden des jaers hoer levent lanck voir lyffghyften
van salighe Bocko Harinxma unde hoers dochters guet. Hyr mede alle rekenscopp van achterstallighe renthen unde uutgheleijde pennyngen tusschen moder unde dochter sullen doet wesen. Mede
synnen hijlix vorworden weert dat juncher Reloff storff medt kijnderen van Lutthije gheboren off sonder kynderen voir Lutthije dat alsoe nicht to vorhopen en is Soe sal Lutthye voir all uut ne-
men all hoir klederen goldt sulver parllen ende ghesteente unde al dat dienende is tot scyrheit hoers lyves dair Lutthije nu an juncher Redloff brenget ofte hyr na durende dat heylighe
echt ankopet als van clenodijen unde anders als voirscr. is off van juncheer Redloff off syn vrunden off hoer vrunden de sulffde Lutthije ghegeven worde vor al uut to nemen sonder enijghe
last off underpanden Ende off de belast worden voir al van Joncher Reydloffs guderen vryg te maken. Des ghelyken sal joncher Redloff weder uut nemen peerden harnasch clenodyen goldt
sulver peerlen ghesteente klederen scyrheit al dat synen lyve behoert unde off joncher Redloff oick des ghelyken clenadijen ghegeven worden van oir sijnen oft hoeren vrunden de tot sijnen
lijchame hoeren na soedaenen vorsterff sal he weder voir uut nemen Ende alle ander goldt ende sulver ghereede ghelt ende juweelen de tot scyrheit des lychams neet behoert Ende alle roerlike gu-
deren dair se an malkanderen worden brengende off durende den heylighen echte myt malkander overwijnnen dat halff ende halff to deylen Ten waer datter mijt testamenten anders ghemaket
worde. Ende alle anghekofte guderen ende renthen ende vorbeteringe van husen sullen wesen toe proffijt den langest levende is hoer levent lanck. Ende tor latester doet halff ende halff to deylen. Oick ijst
mede ghededinget in hylix vorworden weert dat juncheer Redloff storve voir juncfer Lutthije sonder kynderen off myt kynderen van em beyden gheboren Soe sal Lutthije voirscr. hebben van juncheer
Redloff twee hondert golden rynsgulden jairlix renthen in guden notvastighen landen tot hoeren lyfftocht hoer levent lanck desghelyken weertsake dat juncfer Lutthye storve voir juncheer Redloff
mijt kynderen off sonder kijnderen van em beyden gheboren Soe sal juncheer Redloff hebben van Lutthyen renthen hondert golden rynsgulden jaerlix renthen lyfftucht syn levent lanck in guden vasten landen
Mede synt hijlix vorworden weert sake dat juncheer Redloff ende juncfer Lutthye ghene kynderen en kreghen van der sweertsyde unde kreghen maghedekens de magheden ghelyke to succedieren
tot allen guderen unde erffnisse husen ende heerlicheiden als de knechten an beyden syden. Voert ijst besloten waerdt dat joncfer Auske godes ghebot vorvulde eer dat hoir lieve moder vrow
Wythye Soe ghelovet Wythye in hylix vorworden dat juncfer Lutthye in hoer moders stede staen sal to hoer erffnisse. Hyr en boven hebben beyden parthen ghelovet gheen vorworden ofte con-
tracten to maken dair dusse hylix vorworden hynderlick offt scadelick mocht wesen in den sulkes wes ghemaket weer off worde van ghener weerden to wesen Ende doch sullen moghen junc-
heer Redloff unde juncffer Lutthije malkanderen gheven ene eerlike gave in testament off anders buten weder seggen hoerer vrunden ende erffghenamen an beyden syden. Dyt voirscr. is be-
sloten in hylix vorworden up den dach voirscr. in bijwesen ende teghenwoirdicheit veler guder heren unde guder mannen als Tythardus pryor ten Cruesbroderen tor Sneeck heeren Johanne
Ygerman kercheer to Oldenhove ende broder Henrick presi- dent to Sloeten. In oirkunde unde merer vesticheit dusser wairheit hebben wy Redloff van Ewssumma hovetlinck unde
mede ghebeden dem ghestrengen unde vesten heeren Heero Oemken to Eesdens Stedestorppe unde Wythmunde Rijtter Oeck dem Erwerdighen devoten heeren Ewert van
Rees Abbet to Aedwert des wij umme vruntliker bede wyllen juncheer Redloffs Oeck wy heer Godsscalks Juynge Rytter unde meyster Bucho licentiaet in den rechten
pastoir to Wyrdum umme bede wijllen joncfrow Anske myt hoirre liever dochteren unse seghelen an dussen breeff ghehangen up jaer unde dach voirgheroirt.
worden tusschen den Erbaren duchtighen vromen vesten joncher Redloff van Ewssumma to Myddelstum hovetlinck etc. unde der woilduchtigher unde vromer juncfrowen Lutthye Harinxma
joncfrow to Sneeck etc. In maneren punten unde articulen hyr nabescreven. In den eersten soe sal joncher Redloff voirscr. hebben unde medebrengen alsoedaene guderen he nu tot tyt heft
hem anghstorven unde angheervet van synen vader saligher ghedachtnissen unde anders unde em noch ansterven unde erven moghen woe oft woet de heer mochten komen. Hyr enteghens
sal de woilduchtighe juncfrow Lutthye voirscr. oick hebben unde inbrengen In den eersten alsoedaenen guder hoer nu tot tijt angheervet und anghestorven sijn van haren vader saligher ghedacht-
nis Soe dat Auske Lutthye hoer dochter sal rumen unde laten volghen alle hoer vaders husen unde heerlicheiden landt sandt unde renthen soe als salighe Bocka Harinxma de plach to
bruken hoer anghestorven unde angheervet als voirscr. is off an sterven unde an erven moghen van iemande woe off waer de heer mochten komen sonder enygherhande wederseggen hoers
ofte iemante van hoirre weghen. Beholdelick dat juncffer Anske sal voer uut holden van salighe Bocko Harinxma renthen vijftich golden gulden des jaers hoer levent lanck voir lyffghyften
van salighe Bocko Harinxma unde hoers dochters guet. Hyr mede alle rekenscopp van achterstallighe renthen unde uutgheleijde pennyngen tusschen moder unde dochter sullen doet wesen. Mede
synnen hijlix vorworden weert dat juncher Reloff storff medt kijnderen van Lutthije gheboren off sonder kynderen voir Lutthije dat alsoe nicht to vorhopen en is Soe sal Lutthye voir all uut ne-
men all hoir klederen goldt sulver parllen ende ghesteente unde al dat dienende is tot scyrheit hoers lyves dair Lutthije nu an juncher Redloff brenget ofte hyr na durende dat heylighe
echt ankopet als van clenodijen unde anders als voirscr. is off van juncheer Redloff off syn vrunden off hoer vrunden de sulffde Lutthije ghegeven worde vor al uut to nemen sonder enijghe
last off underpanden Ende off de belast worden voir al van Joncher Reydloffs guderen vryg te maken. Des ghelyken sal joncher Redloff weder uut nemen peerden harnasch clenodyen goldt
sulver peerlen ghesteente klederen scyrheit al dat synen lyve behoert unde off joncher Redloff oick des ghelyken clenadijen ghegeven worden van oir sijnen oft hoeren vrunden de tot sijnen
lijchame hoeren na soedaenen vorsterff sal he weder voir uut nemen Ende alle ander goldt ende sulver ghereede ghelt ende juweelen de tot scyrheit des lychams neet behoert Ende alle roerlike gu-
deren dair se an malkanderen worden brengende off durende den heylighen echte myt malkander overwijnnen dat halff ende halff to deylen Ten waer datter mijt testamenten anders ghemaket
worde. Ende alle anghekofte guderen ende renthen ende vorbeteringe van husen sullen wesen toe proffijt den langest levende is hoer levent lanck. Ende tor latester doet halff ende halff to deylen. Oick ijst
mede ghededinget in hylix vorworden weert dat juncheer Redloff storve voir juncfer Lutthije sonder kynderen off myt kynderen van em beyden gheboren Soe sal Lutthije voirscr. hebben van juncheer
Redloff twee hondert golden rynsgulden jairlix renthen in guden notvastighen landen tot hoeren lyfftocht hoer levent lanck desghelyken weertsake dat juncfer Lutthye storve voir juncheer Redloff
mijt kynderen off sonder kijnderen van em beyden gheboren Soe sal juncheer Redloff hebben van Lutthyen renthen hondert golden rynsgulden jaerlix renthen lyfftucht syn levent lanck in guden vasten landen
Mede synt hijlix vorworden weert sake dat juncheer Redloff ende juncfer Lutthye ghene kynderen en kreghen van der sweertsyde unde kreghen maghedekens de magheden ghelyke to succedieren
tot allen guderen unde erffnisse husen ende heerlicheiden als de knechten an beyden syden. Voert ijst besloten waerdt dat joncfer Auske godes ghebot vorvulde eer dat hoir lieve moder vrow
Wythye Soe ghelovet Wythye in hylix vorworden dat juncfer Lutthye in hoer moders stede staen sal to hoer erffnisse. Hyr en boven hebben beyden parthen ghelovet gheen vorworden ofte con-
tracten to maken dair dusse hylix vorworden hynderlick offt scadelick mocht wesen in den sulkes wes ghemaket weer off worde van ghener weerden to wesen Ende doch sullen moghen junc-
heer Redloff unde juncffer Lutthije malkanderen gheven ene eerlike gave in testament off anders buten weder seggen hoerer vrunden ende erffghenamen an beyden syden. Dyt voirscr. is be-
sloten in hylix vorworden up den dach voirscr. in bijwesen ende teghenwoirdicheit veler guder heren unde guder mannen als Tythardus pryor ten Cruesbroderen tor Sneeck heeren Johanne
Ygerman kercheer to Oldenhove ende broder Henrick presi- dent to Sloeten. In oirkunde unde merer vesticheit dusser wairheit hebben wy Redloff van Ewssumma hovetlinck unde
mede ghebeden dem ghestrengen unde vesten heeren Heero Oemken to Eesdens Stedestorppe unde Wythmunde Rijtter Oeck dem Erwerdighen devoten heeren Ewert van
Rees Abbet to Aedwert des wij umme vruntliker bede wyllen juncheer Redloffs Oeck wy heer Godsscalks Juynge Rytter unde meyster Bucho licentiaet in den rechten
pastoir to Wyrdum umme bede wijllen joncfrow Anske myt hoirre liever dochteren unse seghelen an dussen breeff ghehangen up jaer unde dach voirgheroirt.
x
| Archiv | Groninger Archieven |
|---|---|
| Bestand | F.A. Van Ewsum |
| Zugangsnummer | 696 |
| Inventarnr. | 0057 |
| Regestnr. | 113 |
| Jahr | 1507 |
| Datumcode | 0106 |