| Nummer:fae152 | Datum: | Überlieferung:Origineel | Fundstelle:F.A. Van Ewsum, inv.nr. 0555, reg. 152 |
Ick mester Johan Mensuma Cureet toe Middelstum bekenne ende betughe myt dessen openen besegelden
breve dat voer my is gekomen Johan Dercks up Hayema hues Ende bekande unde beliede myt voer beraden
mode woedane wys daer een verdrach ende vruntscup weere gemaket tusschen hem ende syner
echter huesfrouwen ende hoer besunderlinghe kynder heerkomende van syn huesfrouwen unde hoer kynder vorscr.
gudere van weghen hoers salighen vaders eerfguet offte tylber guet Welkeer Johan bekande he ontfangen
hadde myt Kathereinen syner huesfrouwen unde tot desser tyt gebruket hadde Als een voermunder van
syner huesfrouwen under hoer kynder weghen Unde bekent noch in cracht unde macht desbreves
voer hem ende syn erffgenamen dat alle die guden voergenoempt ende he nutertyt bruket sie syn reppelick edder
onreppelick hues peerden koyen myt den anderen guderen syn huesfrouwen myt hoer kyndere to komen Unde
die guden unde die voermunderscap vorgeroert niet bekroende is unde ganslike verlaet ende onmach
tichen to syn toe versetten verkopen daer up to borghen ofte eene handelinghe daer mede doen Daet
weere by syn huesfrouwen unde hoer kynderen raet consent unde vulboert wes hie hyr boven is bor
ghen offte verkopen sall wesen onbundich unde onmachtich voerr allen rechten Allent sunder
Argelyst In bywesen guder luden unde mannen Als tughesluden daer thoe geropen unde
gebeden Als mester Johan Grove to Middelstum Under Peter tho Vrometyl In meerer ves-
tenisse ende waerheit hebben die paerten vorgescr. my mester Johan vorgenoempt gebeden ende begheert
dit also over hem toe besegelen Dat ick Mester Johan omme beyde parten wylle gherne
hebbe gedaen unde hebbe myn Segel beneden an dessen breff ghehanghen In den Jaer
dusent vyffhundert unde XVII up sunte Michaels dach.
breve dat voer my is gekomen Johan Dercks up Hayema hues Ende bekande unde beliede myt voer beraden
mode woedane wys daer een verdrach ende vruntscup weere gemaket tusschen hem ende syner
echter huesfrouwen ende hoer besunderlinghe kynder heerkomende van syn huesfrouwen unde hoer kynder vorscr.
gudere van weghen hoers salighen vaders eerfguet offte tylber guet Welkeer Johan bekande he ontfangen
hadde myt Kathereinen syner huesfrouwen unde tot desser tyt gebruket hadde Als een voermunder van
syner huesfrouwen under hoer kynder weghen Unde bekent noch in cracht unde macht desbreves
voer hem ende syn erffgenamen dat alle die guden voergenoempt ende he nutertyt bruket sie syn reppelick edder
onreppelick hues peerden koyen myt den anderen guderen syn huesfrouwen myt hoer kyndere to komen Unde
die guden unde die voermunderscap vorgeroert niet bekroende is unde ganslike verlaet ende onmach
tichen to syn toe versetten verkopen daer up to borghen ofte eene handelinghe daer mede doen Daet
weere by syn huesfrouwen unde hoer kynderen raet consent unde vulboert wes hie hyr boven is bor
ghen offte verkopen sall wesen onbundich unde onmachtich voerr allen rechten Allent sunder
Argelyst In bywesen guder luden unde mannen Als tughesluden daer thoe geropen unde
gebeden Als mester Johan Grove to Middelstum Under Peter tho Vrometyl In meerer ves-
tenisse ende waerheit hebben die paerten vorgescr. my mester Johan vorgenoempt gebeden ende begheert
dit also over hem toe besegelen Dat ick Mester Johan omme beyde parten wylle gherne
hebbe gedaen unde hebbe myn Segel beneden an dessen breff ghehanghen In den Jaer
dusent vyffhundert unde XVII up sunte Michaels dach.
x
| Archiv | Groninger Archieven |
|---|---|
| Bestand | F.A. Van Ewsum |
| Zugangsnummer | 696 |
| Inventarnr. | 0555 |
| Regestnr. | 152 |
| Jahr | 1517 |
| Datumcode | Michae |