Wygbolt van Ewsum bekenne ende betuyghe overmits
desen versegelden breve voir mij ende mijnen
erffgenamen dat ick hebbe vercoft opgedraghen ende
overgegeven draghe op ende geve over in cracht ende
macht dusses breves dat convent ter Sonnenberch
vander Carthuyser oerden by Campen gelegen ses enckele
golde rijnsche gulden van gewichte offte payment inder
tyt der betalinge daer goet voer is jaerlix te boren
op palmdach uut enen heert by Ewsum gelegen de
welker nu ter tijt Johan Meertens ijs bruyckende ende
in sijne huijre heeft ende voer over alle myn goet ende lant
wo ende waer dat gelegen is voer een summe van gelde de
mij Wygbolt van Ewsum voerscr. vul ende al is betaelt van
den voerscr. convent tot mynder will Welke Rente ick
Wijgbolt voerscr. wij wijl waren ende betalen op tyt ende termijnen
als voerscr. is Geschede soe danijghe betalinge neet op
tijt als voerscr. is soe sal ende mach dat convent voerscr. des
in manen met wat recht hoer des best gelevet ende gelegen
is Hier is mede ingesproken dat ick Wijgbolt voerscr. ofte
mynen erffgenamen moghen dese voerscr. Rente als ses golden
korvorster Rijnsche gulden weder aff vrij ende quijt kopen op alle
palmdaghe wanneer mij des best gelevet mijt hondert
enckele korvoster gulden van gewijchte ofte paijment gelycker
weerden van valuatien in gold ende myt der voller Rente
sonder argelyst Oirkonde der waerheit hebbe ick Wygbolt
voorscr. mijn zegel an dussen breef gehanghen In den Jaren
ons (sic) duysent vyffhondert ende dreentwyntich op palmavont.

x

x

Archiv	Groninger Archieven
Bestand	F.A. Van Ewsum
Zugangsnummer	696
Inventarnr.	0559
Regestnr.	172
Jahr	1523
Datumcode	vPalmar

x

x

x

Material	papier